31 mamyr-Saıası qýǵyn-súrgin qurbandaryn eske alý kúni saǵat 9-da Almaly aýdanynda Qaraǵaıly alańynda qala basshylyǵynyń, qoǵam qaıratkerleriniń, saıası qýǵyn-súrgin qurbandarynyń jáne jastardyń qatysýymen 1931-1933 jyldardaǵy asharshylyq qurbandaryna arnalǵan eskertkishke saltanatty túrde gúl shoqtaryn qoıý rásimi ótedi, dep habarlaıdy Almaty-akshamy.kz.
Gúl qoıý rásimi qalanyń basqa da aýdandarynda josparlanǵan:
- Áýezov aýdanynda T. Rysqulov eskertkishine gúl shoqtaryn qoıý rásimi 31 mamyr kúni saǵat 10:00-de Jandosov kóshesi, 55 mekenjaıyndaǵy Narhoz ýnıversıtetiniń aldyndaǵy gúlzarda ótedi;
- Almaly aýdanynda M. Tynyshpaev eskertkishine gúl shoqtaryn qoıý rásimi 30 mamyrda saǵat 09:30-da Shevchenko kóshesi, 97 mekenjaıynda, T. Júrgenov eskertkishine – 31 mamyrda saǵat 09:00-de Panfılov kóshesi, 127 mekenjaıynda jáne A. Baıtursynov eskertkishine – 31 mamyrda saǵat 10:30-da Baıtursynov kóshesi, 60 mekenjaıynda ótedi.
- Alataý aýdanynda «Qandysaı jazyǵy» eskertkishine gúl shoqtaryn qoıý rásimi 31 mamyr kúni saǵat 10:00-de Qarasý shaǵynaýdany, Sentralnaıa kóshesi, 37 mekenjaıy boıynsha ótedi;
- Bostandyq aýdanynda O. Jandosov eskertkishine gúl shoqtaryn qoıý rásimi 31 mamyr kúni saǵat 10:00-de Jandosov kóshesi-Gagarın dańǵylynyń qıylysynda ótedi.
- Medeý aýdanynda Saıası qýǵyn-súrgin jáne asharshylyq qurbandaryn eske alý kúnine arnalǵan «Tarıhqa taǵzym» konserti 31 mamyr kúni saǵat 19:00-de Jambyl atyndaǵy Qazaq memlekettik fılarmonıasynyń ǵımaratynda ótedi.