Bul týraly Indýstrıa jáne ınfraqurylymdyq damý mınıstri Qaıyrbek Óskenbaev aıtty.
Mınıstr óz erkimen salynǵan qurylystardy zańdastyrý jáne olardy buzý týraly másele zańnamamen rettelgenin jáne ol sot tártibimen sheshiletinin atap ótti, dep habarlaıdy Almaty-akshamy.kz
Senatta elektr energetıkasy, energıa únemdeý jáne energıa tıimdiligin arttyrý, jer qoınaýyn paıdalaný, jergilikti memlekettik basqarý jáne memlekettik shekara máseleleri boıynsha túzetýlerdi talqylaý kezinde depýtat Olga Býlavkına IIDM basshysyna zańsyz salynǵan qurylystar týraly suraq qoıdy.
«Zań jobasyna sáıkes qajetti ruqsattamalarsyz salynǵan jyljymaıtyn múlik týraly máselelerdi sheshý úshin "Almatynyń erekshe mártebesi týraly" zańǵa jekelegen ózgerister men tolyqtyrýlar engiziledi, onda jyljymaıtyn múlikti resimdeý máselelerin qaraý jónindegi atqarýshy organda komısıa qurý kózdeledi. Jaqsy delik, biraq ruqsat qujattarynsyz salynǵan jyljymaıtyn múlikti tirkeý máselesi tek osy qalaǵa ǵana emes, sonymen qatar, basqa da iri eldi mekenderge tán. Mınıstrliktiń osy másele boıynsha qandaı josparlary bar?» - dep surady senator.
«Aýyldyq eldi mekenderde zańdastyrylmaǵan qurylystar óte kóp. Óz erkimen salynǵan qurylystar shamamen 14 myń bolady», - dedi Qaıyrbek Óskenbaev.
Mınıstr zańsyz qurylystar máselesi jıi kóteriletinin jetkizdi.