International Haileybury FIRST Championship-ke Qazaqstan, BAÁ, Qyrǵyzstan jáne Ózbekstannan 36 mektep komandasy qatysty,-dep habarlaıdy Almaty-akshamy.kz.
Chempıonattyń basty maqsaty – ǵylym, tehnologıa, ınjenerıa jáne matematıka (STEM) salasyndaǵy daǵdyny damytý, tájirıbe almasý, halyqaralyq baılanys pen dostyqty nyǵaıtý. Champions Award nomınasıasy Oraldan kelgen High Tech komandasyna buıyrsa, Winning Alliance Captain nomınasıasyn almatylyq Balga men Shege komandasy aldy, al Inspire Award Winner nomınasıasynda jańaózendik Rebels komandasy jeńiske jetti.
Jeńimpazdarǵa QBTÝ men «Turan» ýnıversıtetinde oqýǵa granttar men baǵaly syılyqtar berildi. Chempıonatta 250-den astam oqýshy baǵyn synap jatyr. Olar ózderiniń jas sanaty boıynsha saıysady. Chempıonatta jobalardyń tehnıkalyq aspektisi, kreatıvtiligi, tıimdiligi jáne komandanyń birlesip jumys isteý qabileti baǵalanady.