«ASSYL DOMBYRA» aqyndar aıtysynyń sýper fınaly bastaldy.
Almaty qalalyq mádenıet basqarmasy men «ASSYLTAS» qoǵamdyq qorynyń uıymdastyrýymen Almaty qalasy, «Alataý» dástúrli óner teatrynda respýblıkalyq «ASSYL DOMBYRA» aqyndar aıtysynyń sýper fınaly bastaldy, dep habarlaıdy Almaty-akshamy.kz Egemen.kz-ke silteme jasap.
Alaman aıtysqa tórt irikteý kezeńinen ótken 18 aqyn qatysady. Olar: Rınat Zaıytov, Muhtar Nıazov, Aspanbek Shuǵataev, Meıirbek Sultanhan, Shalqarbaı İzbasarov, Qanat Myrzahan, Qaziret Berdihan, Rústem Qaıyrtaı, Erlan Amanqoja, Nurlan Esenqulov, Baýyrjan Shırmedınuly, Shuǵaıyp Sezimhan, Raýan Qaıdarov, Nurzat Qarý, Serik Qýanǵan, Aıbek Jeńisqazın, Jansaıa Mýsına jáne Nurmahan Jaqypbekov.
«Bul aıtys burynǵy aıtystan ózgerek. Osy jolǵy aıtystyń ereksheligi aqyndardyń juby jerebemen anyqtalady. Iaǵnı aqyndar aldyn-ala kimmen aıtysatynyn bilmeıdi. İrikteý 4 kezeńnen turdy. Barlyǵy 47 aqyn qatysty. Bul da buryn-sońdy bolmaǵan kórsetkish. Respýblıkadaǵy eń aýqymdy aıtys osy boldy», deıdi Júrsin Erman.
Bıylǵy ASSYL DOMBYRA aqyndar aıtysy Táýelsizdiktiń 30 jyldyǵy men Júrsin Ermannyń 70 jas mereıtoıyna oraı ótkizildi. Sondaı-aq ár irikteý kezeńinde Jambyl Jabaevtyń 175 jyldyǵyna, Muqaǵalıdiń 90 jas mereıtoıy men Qasym Amanjolovtyń 110 jyldyǵyna da arnaldy. Uıymdastyrýshy ASSYLTAS qoǵamdyq qorynyń quryltaıshysy Dýlat Tastekeevtiń aıtýynsha, sýperfınalda aqyndar qoǵamdaǵy ózekti problemalardy qozǵap, kórermender naǵyz shappa-shap aıtystyń kýási bolady.
«Sýperfınalǵa kil myqtylar iriktelinip aldy. Aıtystyń eki irikteý kezeńi Almaty qalasynda, biri Almaty oblysynda jáne taǵy bireýi Oral qalasynda ótkizildi. Naǵyz tartysqa toly saıystar ótti. Osy joly fınalda Rınat Zaıytovtyń, Muhtar Nıazov pen Jansaıa Mýsına sıaqty aqyndardyń bolýy saıystyń kórkin qyzdyrady. Jeńimpazǵa ASSYLTAS qoǵamdyq qory asyl tastarmen kómkerilgen arnaıy daıyndalǵan dombyraný tartý etedi. Sondaı-aq qomaqty júldeler taǵaıyndadyq», deıdi Dýlat Tursynuly.
ASSYL DOMBYRA aqyndar aıtysynyń tórt irikteý kezeńin 3 mlnǵa jýyq kórermen youtube arnasynan tamashalaǵan. Dál qazir ótip jatqan sýperfınaldy kórermender tikeleı efır arqyly ASSYLTAS TV arnasynan kóre alady.
Alataýdan tasqyndaǵan jyr kerýeni eki kúnge sozylmaq.