Respýblıka kúni qarsańynda Almaty qalasynda áleýmettik salany damytýǵa, qalalyq ınfraqurylymdy jańǵyrtýǵa, ómir súrý sapasyn arttyrýǵa jáne ekonomıkalyq áleýetti keńeıtýge baǵyttalǵan 60-tan astam joba júzege asyrýdyń sońǵy kezeńine jetti. Aýqymdy jumystar megapolıstiń segiz aýdanyn da qamtıdy jáne elimizdiń 35 jyldyǵyna oraı uıymdastyrylyp, Almatynyń el damýynyń jetekshi ortalyǵy retindegi rólin aıqyndaıdy.
Áleýmettik sala
Respýblıka kúnine daıyndyq aıasynda qalada bilim berý jáne áleýmettik qoldaý nysandaryn paıdalanýǵa berý aıaqtalýda. 20 joba júzege asyrylyp jatyr, olardyń qatarynda jańa jalpy bilim beretin mektepter, balabaqshalar, mamandandyrylǵan mekemeler men belsendi uzaq ómir súrý ortalyqtary bar. Bul bastamalar balalarǵa qosymsha oryndar ashýǵa, ınklúzıvti orta qalyptastyrýǵa jáne áleýmettik qyzmetterge qoljetimdilikti keńeıtýge múmkindik beredi.
Infraqurylym jáne abattandyrý
Eń aýqymdy baǵyt – qalalyq ortany jaqsartýǵa baǵyttalǵan 32 joba.
«Halyq qatysatyn búdjet» baǵdarlamasy jáne keshendi qalalyq jobalar aıasynda aýlalardy abattandyrý, saıabaqtar men skverler salý, jaıaý júrginshiler men demalys aımaqtaryn qurý, aýmaqty kógaldandyrý, kóshe jaryǵyn jańartý jáne shaǵyn sáýlet nysandaryn ornatý jumystary júrgizilýde.
Bul sharalar qalalyq ortanyń jaılylyǵyn arttyryp, qoǵamdyq keńistikterdi damytyp, turǵyndardyń belsendi demalysyna qolaıly jaǵdaı jasaıdy.
Ónerkásip jáne ekonomıka
Qalanyń ındýstrıalyq aımaǵynda 9 jańa óndiris nysany paıdalanýǵa berilýde.
Olardyń qatarynda avtomobıl zaýyty, shyny ydys shyǵaratyn, kartrıj óndiretin jáne basqa da ónerkásiptik kásiporyndar bar.
Jańa óndiristerdiń iske qosylýy jumys oryndaryn ashýǵa, salyq bazasyn keńeıtýge jáne Almatynyń ekonomıkalyq áleýetin nyǵaıtýǵa yqpal etedi.
Komýnaldyq júıelerdi jańǵyrtý
Injenerlik ınfraqurylym salasynda 4 iri joba júzege asyrylýda.
Olar — sý jáne káriz jelilerin, jylý magıstralin salý jáne qaıta jańartý, komýnaldyq júıelerdi modernızasıalaý.
Bul jumystar halyqqa komýnaldyq qyzmetterdiń senimdiligi men qoljetimdiligin arttyrýǵa baǵyttalǵan.
Aýdandardy keshendi damytý
Jobalar qalanyń barlyq segiz aýdanyn qamtyp, jaıly qalalyq orta qalyptastyrýǵa, áleýmettik ınfraqurylymdy damytýǵa, qoǵamdyq keńistikterdi abattandyrýǵa jáne komýnaldyq júıelerdi jańǵyrtýǵa baǵyttalǵan.
İs-sharalar búdjet qarajaty esebinen de, sondaı-aq turǵyndardyń bastamasy arqyly «Halyq qatysatyn búdjet» baǵdarlamasy aıasynda da júzege asyrylýda. Bul óz kezeginde halyqtyń ózekti suranystaryn naqty sheshýge múmkindik beredi.
60-tan astam jobanyń júzege asyrylýy – Almaty ákimdiginiń áleýmettik salany damytý, turaqty qalalyq ınfraqurylym qalyptastyrý jáne ónerkásiptik áleýetti nyǵaıtý baǵytyndaǵy júıeli jumysynyń aıqyn nátıjesi.
Nysandardyń tolyq tizimi siltemede berilgen.