Almaty polısıasynyń garnızony búginde alty myńnan astam adamdy quraıdy.
Qyzmetinde joǵary kórsetkishterge qol jetkizgen, óz isiniń kásibı mamany dep sanalǵan polısıa qyzmetkerleri Respýblıka kúni merekesine oraı marapattaldy, dep habarlaıdy Almaty-akshamy.kz Polisia.kz-ke silteme jasap.
İshki ister mınıstriniń jáne PD buıryǵymen qyzmettik mindetterin adal atqaryp, joǵary kórsetkishterge qol jetkizgeni úshin 170-ten astam polıseı marapattaldy.
– Árbir polısıa qyzmetkeri qylmys pen quqyq buzýshylyqqa qarsy kúrestegi zańdylyqty qatań saqtaýy qajettigin este ustaýy kerek. Bul bizdiń kásibı paryzymyz jáne ony sapaly deńgeıde oryndaý barshamyz úshin abyroıly borysh. Biz qazir departamentke júktelgen mindetterdi oryndaı otyryp, qaladaǵy tártip pen azamattardyń qaýipsizdigin qamtamasyz etýdi jalǵastyrýymyz kerek. Búgingi kúni osy maqsattarǵa jetý úshin bizde barlyq qajetti jaǵdaılar men múmkindikter bar, – dedi Almaty qalalyq polısıa departamentiniń bastyǵy Arystanǵanı Zapparov.
– Memleketimizdiń qalyptasýy men damýynyń búkil tarıhı joly, óz ómirin zań men halqyna aıanbaı, adal qyzmet etýge arnaǵan adamdardyń taǵdyrymen, sizdermen, qurmetti ardagerler, úzdiksiz baılanysty. Barshańyzdy ulttyq merekemen quttyqtaýǵa ruqsat etińizder! Sizderge zor densaýlyq, uzaq ǵumyr, otbasylyq baqyt, baq-bereke, beıbit aspan jáne memleketimizdiń gúldenýi jolyndaǵy qıyn da jaýapty, biraq abyroıly qyzmette tabys tileımin! – dedi Arystanǵanı Zapparov.