Almaty "qyzyl" aımaqqa kóshýine baılanysty kópshilik jınalatyn is- sharalarǵa tıym salyndy, dep habarlaıdy Almaty-akshamy.kz
Tek qana jerleý rásimderin Ashyq jobasyna qatysqan nysandarda ótkizýge ruqsat berilip otyr. Onyń ózinde 30 adamǵa deıin ruqsat etilgen. Al monsha, baseın, fıtnes ortalyqtaryna "jasyl" mártebesi barlar ǵana kiredi. Kınoteatrlarda orynnyń 30 paıyzy tolýy tıis.
Konsert zaldary, fılarmonıa, teatrlar jumys istemeıdi. Al memlekettik organdar men basqa da jekemenshik mekemeler qyzmetkerleriniń 70 paıyzyn qashyqtan jumys isteýge jiberedi.
Almatynyń bas memlekettik sanıtarlyq dárigeriniń jańa qaýlysyna sáıkes osyndaı talap qoıylyp otyr. Qarlyǵash Ábdijabbarovanyń aıtýynsha, megapolıste epıdemıologıalyq ahýal kúnnen-kúnge kúrdelenip barady. 13 qańtarda 1 myń 200-ge jýyq almatylyqtan koronavırýs anyqtalǵan. Sondyqtan karantın sharalaryn kúsheıtý jóninde sheshim qabyldanǵan.
Mamandar kóp uzamaı "omıkron", "delta" shtamyn yǵystyrady dep otyr. Sondyqtan turǵyndarǵa revaksınasıa jasaýǵa keńes beredi.