İri qarý dúkenin tonaǵan kúdikti ustaldy
Áýezov aýdanynyń polısıa qyzmetkerlerimen anyqtalǵandaı, I. esimdi er adam jappaı tártipsizdikterge jáne basqa da zańsyz áreketterge belsendi qatysqan. Sonymen qatar iri qarý dúkenin tonap, odan 10 patrony bar “BrowntnG” tegis uńǵyly myltyǵyn urlap ketken, dep habarlaıdy Almaty-akshamy.kz Polisia.kz-ke silteme jasap.
Qaskóı myltyqty 5 yqshamaýdandaǵy aýlalardyń biriniń qoqys jáshigine tyǵyp qoıǵan. Birneshe kúnnen keıin kúdikti taksıge otyryp, myltyq jasyrynǵan jerge kelgen. Kólik júrgizýshisi jolaýshynyń teledıdar jáshigine qarý jasyryp júrgenin baıqap, polısıaǵa habarlaǵan.
Tutqyndaý kezinde I.esimdi er adam áskerı kıimde bolǵan. Ony qaıdan alǵanyn tergeý anyqtaıtyn bolady. Qazirgi ýaqytta atalǵan fakt boıynsha sotqa deıingi tergeý amaldary júrgizilýde. Ustalǵan azamat ýaqytsha ustaý ızolátoryna qamaldy. Almaty qalasynyń komendatýrasy qamqor turǵyndarǵa belsendi azamattyq ustanymy jáne qalada quqyqtyq tártipti ornatýǵa kómekteskeni úshin alǵysyn bildiredi.