Almatydaǵy ortalyq mýzeıde Ortalyq Azıa qolóner sheberleriniń «Qyzǵaldaqtar gúldegende» dep atalatyn kórme-jármeńkesi ashyldy.
İs-sharaǵa elimizdiń jáne Qyrǵyzstan, Ózbekstan, Túrkimenstannan kelgen sheberler men sýretshiler jáne dızaınerler qatysyp jatyr, dep habarlaıdy Almaty-akshamy.kz 24.kz-ke silteme jasap.
Jármeńkege etnostıldegi jańa kıim úlgileri men zergerlik buıymdar, keramıka, metal, kıiz ben jibekten jasalǵan, ártúrli zattar jáne sýretshilerdiń kartınalary qoıylǵan. Maqsat - kórshiles elder arasyndaǵy mádenı baılanysty nyǵaıtý. Jármeńkege qysh óneriniń has sheberi Marat Sársebaev ta kelipti. Onyń jubaıy qazaqtyń ulttyq kıimderin kıgen qýyrshaqtaryn jasasa, otaǵasy Syǵanaq pen Otyrardan, Tarazdan tabylǵan kóne dúnıelerdiń kóshirmesin ákelipti.
«Erte zamannan bastap ózimizdiń de osyndaı úlken mádenıet bolǵanyn, mádenı dúnıelerdiń kóp bolǵanyn halyqqa kórsetý, halyqqa tanystyrý kerek. Mine, mysalǵa myna dúnıeler - mynaý endi Otyrardan shyqqan dúnıeler. Endi sonyń tehnologıalaryn jasap kórsetýge sondaı bir tyrysý boldy mende. Bir jaǵynan, ózińniń de oılaǵan dúnıeleriń bar. Sondaı-sondaı zattardy aqyryndap, aqyryndap halyqqa kórsetý - maqsatymyz. Mine, taza glazýr, taza dúnıe», - deıdi qysh sheberi Marat Sársebaev.