Almatyda Abaı alańy men Tuńǵysh prezıdent saıabaǵynda qýyrshaqtar sherýi ótti. Ertegi keıipkerleri Qala kúnin merekeleýge kelgen azamattardy tańqaldyrdy. Ásirese, balaqaılar jarysa sýretke túsip, qýanyshqa bólendi.
Mereke aıasynda Almaty Memlekettik qýyrshaq teatrynyń boıtumary bolyp tabylatyn «Qýyrshaq dýman» atty erekshe konserttik qoıylym kópshilik nazaryna usynyldy. Qoıylymda Roza Baǵlanova, Maıkl Djekson jáne Farrýh Zakırov syndy tanymal tulǵalardyń beınesindegi qýyrshaqtardyń óner kórsetip, halyqty tamsandyrdy.
Sonymen qatar, negizgi merekelik oryndarda qýyrshaq jasaý sheberleriniń qatysýymen «Óner besigi – Almaty» atty qýyrshaq jasaý jáne basqarý boıynsha tanymdyq sheberlik saǵattar ótkizildi.
