Oqýshylar kúıshiniń shyǵarmalaryn oryndady
Búgin Ulttyq kitaphananyń Óner bóliminde XIX ǵasyrdaǵy belgili qazaq mýzykanty, kompozıtor, kúıshi Qurmanǵazy Saǵyrbaıulynyń shyǵarmashylyǵyna arnalǵan ádebı-mýzykalyq kesh ótti, dep habarlaıdy Almaty-akshamy.kz.
İs-sharany dırektordyń kitaphana isi jónindegi orynbasary Iýsýpova Ajar Hamıtqyzy ashty.
QR Ulttyq kitaphanasynyń qoryna A.Raıymbergenov, S.Raıymbergenovanyń «Vlastelıtel kúev Kazangap»; «Kúı tóresi Qazanǵap»; «Qazanǵap. Kúıler. Kazangap. Kúı» jańa kitaptarynyń danalary syıǵa tartyldy. Sondaı-aq, avtorlar-A.Jaıymov, B. Ysqaqov, Q. Saharbaeva, A. Jaıymnyń «Dombyra sazy» kitaby.
Kesh qonaqtary qatarynda Qazaqstannyń eńbek sińirgen óner qaıratkeri, profesor Saharbaeva Karıma; Qazaqstannyń eńbek sińirgen óner qaıratkeri, mýzykant, kúıshi-dombyrashy, kompozıtor Ábiltaev Shamıl; Qurmanǵazy atyndaǵy Qazaq ulttyq konservatorıasynyń stýdentteri, mýzykalyq kolejder men mektepterdiń oqýshylary, kitaphana oqyrmandary jáne taǵy basqalary qatysty.
Keshtiń moderatory belgili kúıshi, ónertaný ǵylymynyń kandıdaty, Qurmanǵazy atyndaǵy Qazaq ulttyq konservatorıasynyń dosenti, «Murager» baǵdarlamasynyń avtory, «Kókil» tuńǵysh jekemenshik mektebiniń dırektory – Abdýlhamıt Raıymbergenov boldy.
Ádebı-mýzykalyq keshti profesor Saharbaeva Karıma, kompozıtor Ábiltaev Shamıl ótkizdi.
Qurmanǵazy atyndaǵy Qazaq ulttyq konservatorıasynyń stýdentteri, Kúlásh Baıseıitova atyndaǵy mýzyka mektebiniń, Ǵ. Músirepov atyndaǵy № 86 mektep-gımnazıasynyń, № 46 mektep-gımnazıasynyń oqýshylary Qurmanǵazynyń shyǵarmalaryn oryndady.