Almatyda Qurmanǵazy kóshesindegi eki ýchaskedegi qozǵalys ýaqytsha shekteledi
Qurmanǵazy kóshesi boıynsha ýaqytsha shekteýler: Almatyda merdiger uıym kepildik mindettemeleri aıasynda jol jabynynyń tómendeýin joıatyn bolady, dep habarlaıdy aqshamnews.kz «Almaty jylý jelileri» JSHS
Qurmanǵazy kóshesindegi kólik qozǵalysy kepildik mindetteme aıasynda jol jabynynyń tómendeýin joıý úshin ishinara úsh kúnge shekteledi
2025 jylǵy 11 sáýir saǵat 9:00-den 14 sáýir saǵat 6:00-ge deıin Almaty qalasynyń Medeý aýdanynda Qurmanǵazy kóshesimen Pýshkın kóshesinen Dostyq dańǵylyna deıin, sondaı-aq Qurmanǵazy men Zenkov kósheleriniń qıylysynda avtokólik qozǵalysy shekteledi.
Mamandar anyqtaǵan joǵaryda kórsetilgen kósheniń júrý bóliginiń astynan ótetin jylýmen jabdyqtaý jelilerinde asfált jabynynyń shógýin joıý úshin ýaqytsha shekteýler engiziledi. Jumystardy merdiger uıym kepildik mindettemeleri aıasynda júrgizetin bolady.
Qozǵalystardy shekteýge qatysty aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde jarıalanǵan.
Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
