Buryn ol jerde áskerı gospıtál bolǵan
Memleketke 7 jyl boıy paıdalanylmaǵan jer ýchaskesi qaıtaryldy. Ol Almaty qalasynyń Medeý aýdanynda Nazarbaev dańǵyly men Sátbaev kóshesiniń qıylysynda ornalasqan. Atalǵan terıtorıa ortalyq memlekettik murajaı ǵımaratynyń mańynda bolyp tabylady, dep habarlaıdy Almaty-akshamy.kz Zakon.kz-ke silteme jasap.
Buryn ol jerde áskerı gospıtál bolǵan. Jer kadastrynyń saıtynda kórsetilgendeı, bul ýchaske 20-315-021-540 nómiri boıynsha tirkelgen.
Jer teliminiń maqsaty: "avtoparkıng jáne halyqqa qyzmet kórsetý obektileri bar kópfýnksıonaldy ákimshilik-qonaq úı turǵyn úı kesheni úshin".
Buǵan deıin Bas áskerı prokýratýranyń baspasóz qyzmeti jer ýchaskesiniń memleketke qaıtarylǵany týraly habarlaǵan. 2014 jyly naryqtyq quny 6 mlrd teńgeden asatyn, jalpy aýdany 3,8484 gektar bolatyn jer ýchaskesi "Dostyq stroı" qurylys kompanıasy" JSHS menshigine ótken bolatyn.