Qazaqstanda kúshpen ustalǵan Ózbekstannyń 10 azamaty eline qaıtaryldy, dep habarlaıdy Almaty-akshamy.kz Ózbekstan SİM-niń baspasóz qyzmetine silteme jasap.
Kórshi eldiń Almatydaǵy bas konsýldyǵyna 3 adam habarlasyp, ózderin jergilikti turǵyndar qorqytyp, jeke zattary men uıaly telefondaryn tartyp alyp, jeke úıde ustaǵanyn aıtqan.
«Bas konsýldyq qyzmetkerleri Almaty qalasy quqyq qorǵaý organdarynyń ókilderimen birge Ózbekstan azamattary ornalasqan jerge bardy. Sodan keıin olar Bostandyq aýdanynyń polısıa basqarmasyna jetkizildi», - delingen habarlamada.
Qazaqstan Qylmystyq kodeksiniń 389-baby boıynsha qylmystyq is qozǵaldy.
Osylaısha Ózbekstannyń 10 azamaty qonaqúıge ornalastyrylyp, pasporty men jeke zattary qaıtarylyp, Almaty-Tashkent baǵyty boıynsha úılerine jóneltildi. Barlyǵy Ózbekstanǵa aman-esen jetip alǵan.