Jyl saıyn 19 qańtarda elimizdegi pravoslavtyq dindar azamattar «Qudaıǵa shoqyný» nemese «Kreshenıe Gospodne» dinı merekesin atap ótedi
Bul mereke barysynda arnaıy ázirlengen oryndarda azamattar sýǵa shomylý rásimine qatysady, dep habarlaıdy Almaty-akshamy.kz
Alaıda, aǵymdaǵy jyly elimizdegi engizilgen tótenshe jaǵdaı rejımine jáne epıdemıologıalyq ahýaldyń kúrdelenýine baılanysty Almaty qalasynda atalǵan mereke barysynda sýǵa shomylý rásimi ótkizilmeıdi.
Voznesendik kafedraldyq sobordyń klúchary Aleksandr Sývorovtyń sózine sáıkes, aǵymdaǵy jylǵy 19 qańtardan bastap «shomylý rásiminiń» ornyna qala aýmaǵyndaǵy pravoslavtyq shirkeýlerde «qasıetti sý» taratylatyn bolady.
Sondaı-aq, qalanyń bas sanıtarlyq dárigeriniń qaýlysyna sáıkes, merekelik qulshylyq rásimderi de jabyq túrde ótetin bolady.
Óz kezeginde azamattardyń qaýipsizdikterin qamtamasyz etý maqsatynda tótenshe jaǵdaı departamenti men polısıa departamenti qyzmetkerleriniń jáne "jedel járdem" qyzmetteriniń kezekshiligi uıymdastyrylady.
Sonymen qatar, Almaty qalasy din isteri jónindegi basqarmasynyń qyzmetkerleri tarapynan da barlyq hramdarda kezekshilik uıymdastyrylyp, sanıtarlyq talaptardyń saqtalýlary jóninde túsindirý jumystary júrgiziletin bolady.