Almatyda bir túnde qorqor shekken 100-den astam azamatqa aıyppul salyndy, – dep habarlaıdy aqshamnews.kz.
Almaty polısıasy qorqorlarǵa qatysty jasalǵan aýqymdy reıdtiń qalaı ótkenin aıtyp berdi. Bir túnde 100-den astam kalán shegýshige aıyppul salyndy.
– Temeki ónimderin paıdalanýdaǵy zań buzýshylyqtardy anyqtaý maqsatynda oıyn-saýyq mekemelerinde jergilikti reıdter júrgizildi. Barlyǵy 12 bar, klýb jáne dámhana tekserildi. Kalán shekkeni úshin 102 adam ákimshilik jaýapkershilikke tartyldy. Mekemelerden barlyǵy 96 kalán qurylǵysy tárkilendi, – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Aıtan Eleýsizov.
Eske salaıyq, qoǵamdyq oryndarda kalán shegýge tyıym salýdy engizý týraly qaýly 2013 jyldyń 14 naýryzynda kúshine engen bolatyn. Biraq jastar, qoǵamdyq tamaqtandyrý oryndarynda, túngi klýbtar men barlarda hosh ıisti tútinmen tynystaýdy jalǵastyrýda. QR ÁQBtK-niń 441-babynda kózdelgen buzýshylyqtar anyqtalsa, kalán shegetin adamdarǵa 15 AEK kóleminde aıyppul salynady. Qaıtalap buzǵan jaǵdaıda – 20 AEK. Al mekeme ıelerine 20-dan 60 AEK-ke deıin aıyppul salynady.