Memleket basshysy Qasym-Jomart Toqaev «Maqsatym – ekonomıkany jáne egemendikti nyǵaıtý» atty suhbatynda Jumysshy mamandyqtar jylyna qatysty pikir bildirdi. «Biz eńbek adamynyń abyroı-bedelin kóterip, eńbekqorlyq, kásibılik sıaqty qundylyqtardy dáripteý úshin áli talaı sharýa atqarýymyz kerek. Ekonomıkanyń kóptegen salasynda jumys qoly jetispeıdi. Jumysshy mamandyqtar mol ári tez tabys tabý turǵysynan qyzyqtyra qoımaýy múmkin. Biraq bul mamandyqtardyń eńbek naryǵynda suranysqa ıe bolatynyna da, qoǵamdaǵy mártebesi joǵary bolatynyna da kepildik bar», – dedi Prezıdent.
Almaty elektromehanıka kolejiniń búgingi naryqtaǵy suranysqa ıe bilikti, básekege qabiletti jumysshy mamandar daıarlaýdaǵy mártebeli mindetti atqarýǵa qosar úlesi mol.
Kolejimiz elektrotehnıka jáne energetıka, transport salalary boıynsha mamandar daıarlaýmen aınalysady. Qazirgi kezde kolejde 872 stýdent bilim alýda, onyń ishinde jumysshy mamandyqtaryn ıgerip otyrǵany – 730.
Prezıdentimiz suhbatta erekshe atap ótken «jasyl» energetıka, jel, kún jáne gıdroelektrostansıalaryn daıyndaý jáne ornatý mindetterin iske asyrýǵa úles qosý maqsatynda bıylǵy jyly alǵashqy ret «Jańartylǵan energetıka» mamandyǵy boıynsha jumysshy mamandar tobyna bilim alýshylar qabyldandy.
2024 jyldyń 24 sáýirinde áleýmettik seriktesimiz «Smart Light Group» JSHS kómeginiń arqasynda kolej sheberhanasynda zamanaýı quraldarmen jabdyqtalǵan «Aqyldy úı» zerthanalyq kabıneti iske qosyldy.
2024 jylǵy 10 qyrkúıekte kolejimizdiń bazasynda «Elektr jáne elektromehanıkalyq jabdyqtar» quzyrettilik ortalyǵy ashyldy. Ol kolejderdiń stýdentterin ǵana emes, sonymen qatar JOO jáne TjKB jeke uıymdarynyń stýdentterin praktıkalyq oqytýdy qamtıtyn, óndiristik kásiporyndar men oqý oryndary qyzmetkerlerin qaıta daıarlaýdy jáne biliktiligin arttyrýdy júzege asyratyn kásiptik bilim berýdiń ınovasıalyq «habyn» qurýǵa múmkindik beredi, sondaı-aq WorldSkills qatysýshylaryn, sarapshylaryn daıarlaýǵa arnalǵan oqý-jattyǵý lageri jáne chempıonattardy ótkizýge arnalǵan alań retinde jumys isteıdi.
Almaty elektromehanıka koleji qalamyzdyń kóptegen iri mekememelerimen seriktestikte jumys isteıdi. Dýaldy oqytý júıesi baǵdarlamasy negizinde stýdentterimiz ózderiniń kásiptik praktıkalaryn «Almaty elektrmehanıka zaýyty» JSHS, «Almaty jeldetkish zaýyty» JSHS, «Saıman» prıbor jasaý zaýyty» kásiporny, Energetıka jáne sýmen jabdyqtaý basqarmasynyń sharýashylyq júrgizý quqyǵyndaǵy «Almaty Sý» MKK, «Mega Motors» JSHS, taǵy sol sıaqty kóptegen iri mekemelerinde ótedi.
Sonymen, 2023 jyldan bastap «Kolejge nemis dýaldy oqytý júıesin engizý» pılottyq jobasy iske asyrylýda. Bul joba Germanıa Federatıvtik Respýblıkasynyń jumys berýshilerimen akademıalyq utqyrlyq sheńberinde stýdentter men pedagogtar almasýdyń halyqaralyq baǵdarlamalaryna qatysý úshin joǵary bilikti kadrlardy daıarlaý jónindegi baılanystardy odan ári nyǵaıtýǵa yqpal etýde. Joba aıasynda kolej, Janser Consult GmbH kópsalaly konsaltıńtik kompanıasy jáne Germanıadan kelgen jumys berýshiler – IHK Magdeburg kásiptik bilim berý bóliminiń basshysy, Ib Mitte gGmbH kompanıasynyń Germanıanyń Ortalyq dırektory, Hans Kupfer GmbH otbasylyq kásipornynyń óńirlik dırektory, Sitex GmbH dırektorynyń orynbasary – arasynda yntymaqtastyq týraly úshjaqty memorandýmǵa qol qoıyldy.
Ózara yntymaqtastyq týraly Memorandým aıasynda 2025 jyldyń qańtar aıynan bastap Germanıa kompanıasyna 4-kýrstyń 20 stýdentin óndiristik praktıkadan ótý úshin, al kolejdiń 11 túlegin jumysqa ornalastyrý úshin jiberý josparlanýda.
2025 – «Jumysshy mamandyqtar jyly» biz úshin úlken múmkindikter jyly dep bilemiz. Basty maqsatymyz – el naryǵynyń ósýine, elimizdiń damýyna úles qosatyn básekege qabiletti, naǵyz óz isiniń sheberi bolyp tabylatyn júmysshy mamandar daıarlaý!