Budan basqa elimizdiń taǵy 5 qalasynda 2022 jyldan bastap zaýyt qurylysy bastalmaq.
Ekologıa, geologıa jáne tabıǵı resýrstar mınıstri Serikqalı Brekeshev Úkimet otyrysynda qoqys jaǵatyn zaýyttardyń qurylysy týraly aıtty, dep habarlaıdy Almaty-akshamy.kz Rrimeminister.kz saıtyna silteme jasap.
«Qaldyqtarmen jumys isteý máselesine kósheıin. Túzilgen qatty turmystyq qaldyqtar kólemin aıtarlyqtaı qysqartý úshin zańnamalyq deńgeıde Waste to Energy tetigi engizildi. Qoqys jaǵatyn zaýyttar salý úshin 6 qala anyqtaldy. Alǵashqy aýksıondyq saýda-sattyq ótkizildi. Investor anyqtaldy. Qurylys jumystary kelesi jyly bastalady. Jeke ınvestısıalar 292 mlrd teńgeni quraıdy», – dedi mınıstr.
QR Ekologıa, geologıa jáne tabıǵı resýrstar mınıstrliginiń málimetinshe, qoqys tastaıtyn jerlerdi joıý jáne oǵan jol bermeý boıynsha jumystar júrgizilýde. Búgingi tańda 7,3 myń polıgonnyń 86%-y (6,3 myń) joıyldy. Reıdtik is-sharalar júrgizildi, 17 myńǵa jýyq quqyq buzýshy jaýapkershilikke tartyldy. 2022 jyldan bastap Nur-Sultan, Almaty, Shymkent, Óskemen, Aqtóbe jáne Qaraǵandy qalalarynda qoqysty qaıta óńdeý zaýyttaryn salý jobalary iske asyryla bastaıdy.