Túkirý qoǵamdyq oryndardy lastaıdy
Almaty polısıasy turǵyndardan túkirgen adamdardyń foto men vıdeosyn «102» qosymshasy arqyly jiberýdi surady, dep habarlaıdy Almaty-akshamy.kz QazAqparatqa silteme jasap.
Almaty qalasynyń polısıa departamentiniń jergilikti polısıa qyzmeti basqarmasynyń bastyǵy Erjan Uzabaev qala turǵyndaryn qoǵamdyq tártipti buzý jáne qoǵamdyq oryndy lastaý týraly foto, vıdeolardy «102» qosymshasy arqyly jiberýge shaqyrdy.
«Atalǵan resýrsta táýlik boıy 20 operator beıne qońyraý, aýdıo nemese SMS-habarlamalardy qabyldaıdy. Qabyldanǵan sharalar ótinish avtorlaryna belgilengen merzimde habarlanady», - dedi Erjan Uzabaev.
Ol sondaı-aq almatylyqtardyń belsendilik tanytyp, zańdylyq pen tártipti qamtamasyz etýde óz úlesterin qosyp kele jatqanyn aıtty.
«Jyl basynan beri «102» qosymshasy arqyly azamattar 500-ge jýyq habarlama joldady. Eń jıi kezdesetini – túkirgen adamdar týraly. Jalpy, jyl basynan beri atalǵan quqyqbuzýshylyq boıynsha 5 613 adam ákimshilik jaýapqa tartyldy», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Spıkerdiń aıtýynsha, bıylǵy jyldyń 7 aıynda qalany abattandyrý erejelerin buzýdyń 17 152 deregi, qoǵamdyq orynda alkogóldik ishimdikterdi ishýdiń 11 481 deregi, tynyshtyqty buzýdyń 5 494 deregi, temeki shegýge tyıym salýdy buzýdyń 3 077 deregi tireldi, sondaı-aq, 505 usaq qylmys jáne t.b. anyqtaldy.
Polısıadan habarlaǵandaı, ákimshilik zańnamaǵa sáıkes qoǵamdyq oryndarda, saıabaqtar men alańdarda belgili bir áreketter zańmen shekteledi jáne jaýapkershilikke ákeledi. Mysaly, QR ÁQbK-niń 434-2-babynyń talaptaryna sáıkes, qoǵamdyq oryndardy lastaýǵa tyıym salynady.
«Osy sıpattamalardy eskere otyryp, túkirý qoǵamdyq oryndardy lastaıdy, sondyqtan bul áreket osy quqyq buzýshylyqtyń belgsine jatady», - dep habarlady qalalyq polısıa departamentinde.