Almatyda jolaýshylardy zańsyz tasymaldaǵan avtobýs júrgizýshileri anyqtaldy.
“Qaýipsiz jol” profılaktıkalyq aılyǵy qorytyndylandy, dep habarlaıdy Almaty-akshamy.kz Polisia.kz-ke silteme jasap.
Onyń nátıjesinde Almaty qalasynyń ákimshilik polısıasy jolaýshylar tasymalymen aınalysýǵa quqyǵy joq taǵy eki qoǵamdyq kólik júrgizýshisiniń ustalǵanyn habarlady.
«Bul quqyqbuzýshylardy Túrksib jáne Jetisý aýdandyq polısıa basqarmalary ákimshilik tájirıbe bólimsheleriniń qyzmetkerleri anyqtap, jolaýshylar tasymalynan shyǵardy. Qujattardy tekserý barysynda júrgizýshi kýálikterinde qoǵamdyq kólikti basqarýǵa ruqsat beretin sanat bolmaǵan. Bul áreketter adamdardyń ómiri men densaýlyǵyna qaýip tóndiretin baqylaýsyzdyq, is júzinde nemquraılylyq tanytqan júrgizýshilerdiń de, avtokásiporyn basshylarynyń da kinási dep baǵalanady. Tártip buzýshylarǵa shara qoldanyldy», – dedi Almaty qalalyq PD Ákimshilik polısıa basqarmasy bastyǵynyń orynbasary Dáýlet Seıitqulov.
Sondaı-aq, ol is-shara júrgizilgen kúnderde joldardy, sonymen qatar jol qurylystaryndaǵy kemshilikterdi joıý týraly 55 uıǵarym shyǵarylǵanyn habarlady. Joldardyń qanaǵattanarlyqsyz jaı-kúıi úshin bes laýazymdy tulǵa QR ÁQBtK-niń 630-baby, QR ÁQBtK-niń 631-baby men QR ÁQBtK-niń 632-baby boıynsha ákimshilik jaýapkershilikke tartyldy. Sondaı-aq, apattyq jaǵdaı aımaqtarynda 233 jol belgisi ornatylǵany habarlandy.