Monıtorıńtik toptardyń jumysy kúsheıtildi.
Almatyda koronavırýstyq ınfeksıanyń taralýyna jol bermeý maqsatynda tegin vaksına arqyly azamattar arasynda ujymdyq ımýnıtetti qalyptastyrý aıaqtalǵanǵa deıin karantındik shekteýlerdiń saqtalýyn qamtamasyz etý boıynsha sharalar qabyldanýda, dep habarlaıdy Almaty-akshamy.kz.
Juqtyrýdyń yqtımal oryndarynyń arasynda (saýda nysandary men bazarlarmen qatar) qoǵamdyq kólikte qatynaý 16%-dy kórsetti. Osy segmentte arnaıy monıtorıńtik toptardyń jumysy kúsheıtildi.
Búgin qalanyń barlyq aýdandarynda saǵat 07.00-den bastap Almaty qalasynyń monıtorıńtik toptarynyń ókilderi qoǵamdyq kólik pen avtobýs aıaldamalaryn tekserýde. Tekserýshiler jolaýshylardy jáne avtobýs pen troleıbýs júrgizýshileri betperde taǵyp júrgenderin qadaǵalaıdy, qala turǵyndarymen túsindirme jumystaryn júrgizedi.
Tekserýshilerdiń aıtýynsha, Almaty aýmaǵy arqyly júretin 100-den astam avtobýsqa monıtorıń júrgizildi. Monıtorıń toptary karantın talaptary buzylǵan birqatar avtobýs marshrýttaryn atady. Olardyń ishinde: 1, 98, 32, 123, 79 11, 9, 45, 22, 135, 105, 201, 7, 126, 60, 114, 25, 5, 5B, 29, 65, 37, 205, 224, 20, 148, 38, 62, 210 baǵyttaryndaǵy qoǵamdyq kólikter bar.
«Qalada koronavırýs juqtyrǵandar sany ósti. Úıde jáne qoǵamdyq kólikte juqtyrý qaýpi joǵary. Sondyqtan karantın kezinde jolaýshylar betperde rejımin saqtaýy kerek», – dep túsindirdi tekserýshiler.
Kúnniń birinshi jartysynda 14 jeke tulǵaǵa qatysty QR ákimshilik kodeksiniń 425-baby 1-bóligi boıynsha ákimshilik hattamalar jasaldy. Betperde rejımin buzǵany úshin ákimshilik jaýapkershilikke tartylady.
Almatyda COVID-19 jaǵdaıy kúrdeli kúıinde qalyp otyr. Ótken táýlikte megapolıste epıdemıologtardyń málimetteri boıynsha KVI juqtyrýdyń 1369 jaǵdaıy tirkelgen, karantındik shekteýlerdi qatań saqtaý qajet. Betperde taǵý basqalarǵa aýrý juqtyrý qaýpinen qorǵaıdy ári ınfeksıanyń taralýyn azaıtady. Sondaı-aq eske salsaq, koronavırýstyq ınfeksıamen kúresýdiń jalǵyz ádisi - vaksına salý Almatyda 212 ekpe pýnktiniń bazasynda tegin júrgiziledi.