Búgin Almaty qalasy ákiminiń Bostandyq aýdany turǵyndarymen kezdesýinde aýdan turǵyny avtobýs júrgizýshileri ózderin nege dóreki ustaıtynyn, rólde otyryp telefonmen sóılesedi, temeki shegedi. Árıne munyń barlyǵy jolaýshylardyń densaýlyǵyna keri áserin tıgizetinin tilge tıek etti, dep habarlaıdy Almaty-akshamy.kz.
Bul máseleniń eki jaǵy bar. Birinshi tarap qyzmet kórsetý sapasyna baılanysty. Qalada bir ǵana memlekettik operator – "Almatyelektrotrans" jáne 24 jeke operator bar. Bizde jeke operatorlarǵa qatysty túsken shaǵymdar jeterlik. Memleket basshysy Almatyǵa kelgen soń ındýstrıa mınıstrligine, kólik komıtetine tasymaldaý jónindegi qoldanystaǵy sharttardy qaıta qaraýdy tapsyrdy,demek jaýapkershilik artady degen sóz. Jaýapkershilik barlyǵyna qatysty bolady, júrgizýshilerge de, avtobýstyń jaǵdaıyna da. Kúzde erejeler ózgeredi dep úmittenemiz jáne biz olardan barlyq qajetti zattardy resmı túrde talap ete alamyz. Iaǵnı, biz barlyq operatorlardy – jeke jáne memlekettik operatorlardy – halyqqa qyzmet kórsetýdiń biryńǵaı deńgeıine jetkizgimiz keledi.
Ekinshi jaǵy. Bizde burylatyn pýnktter joq. Bıyl 10-pýnkt, al kelesi jyly taǵy 10 pýnkt ashamyz. Demek, júrgizýshilerge marshrýt aıaqtalǵannan keıin demalýǵa jáne t.b. múmkindik týady.
Júrgizýshilerdiń tapshylyǵyna qatysty másele de ózekti. Biz olardyń jetkilikti sanyn jınaı almaımyz, úmitkerlerge tıisti biliktilikti alý qıynǵa soǵady. Taǵy bir sebep jataqhanalardyń bolmaýy, sebebi júrgizýshilerdiń 80% - y Almatyda turmaıdy. Sondyqtan biz júrgizýshiler azamattarǵa sapaly qyzmet kórsetýdi talap etý úshin jaǵdaı jasaǵymyz keledi.
Barlyq qolda bar faktiler boıynsha ákimdik, qalalyq mobıldilik basqarmasy qajetti sharalardy qabyldaýǵa daıyn. Jolaýshylardyń shaǵymdary boıynsha aıyppuldar jaǵdaıdy ózgertpeıdi. Siz durys baıqaǵansyz, júrgizýshiniń jumysy óte jaýapty. Avtobýsta jolaýshylar kóp bolǵan kezde júrgizýshilerdiń eńbek jaǵdaılary men jalaqylary da soǵan laıyq bolýy tıis, -dep jaýap berdi Almaty ákimi Erbolat Dosaev.