Uıaly telefon urlyǵy tyıylmaı tur.
Belgili bolǵandaı, 58 jastaǵy B.esimdi azamat 126-baǵyttaǵy qoǵamdyq kólikke otyryp, jolaýshynyń qaltasynan uıaly telefonyn urlap ketken, dep habarlaıdy Almaty-akshamy.kz Polisia.kz-ke silteme jasap.
«Qazirgi ýaqytta QR QK-niń 188-baby (Urlyq) boıynsha sotqa deıingi tergeý amaldary júrgizilip jatyr. Kúdikti qamaýǵa alyndy. Onyń basqa da qylmystyq áreketterge qatysy bar-joǵy anyqtalyp jatyr», — dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Osy ýaqytta qalanyń Áýezov aýdanynyń polıseıleri qalta urlyǵymen aınalysqan taǵy úsh kúdiktini bir ýaqytta ustady.
«Olardyń biri – Almaty oblysynan kelgen 30 jastaǵy N.esimdi azamat. Ol jasóspirimniń telefonyn urlap alǵan. Taǵy bir qalta urysy – 30 jastaǵy A.esimdi azamat dál osy tizbekpen áreket jasaǵan. Qoǵamdyq kólikte ol bóten bireýdiń mobıldi qurylǵysyn urlap, qashýǵa árekettengen. Qart adamdy tonaǵan joǵaryda atalǵan eki kúdikti men 35 jastaǵy Almaty turǵyny ustaldy. Osy epızodtar boıynsha qylmystyq ister sotqa deıingi tergeýdiń biryńǵaı tizilimine tirkeldi», – deıdi Áýezov aýdandyq polısıa basqarmasynyń bastyǵy Ulan Ábilqaıyr.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.