Buryn isti bolǵan Áýezov aýdanynyń turǵyny qalta urlyǵyn jasady degen kúdikpen ustaldy.
Qalalyq krımınaldyq polısıanyń arnaıy tobynyń jáne Jetisý aýdandyq polısıa basqarmasynyń qyzmetkerlerimen 29 jastaǵy F. esimdi azamat ustaldy, dep habarlaıdy Almaty-akshamy.kz Polisia.kz-ke silteme jasap.
Er adam 104-baǵyttaǵy qoǵamdyq kóliktiń jolaýshysynyń qaltasynan IPhone markaly telefonyn urlady degen kúdikke ilindi.
Kúdikti qamaýǵa alyndy. Qazirgi ýaqytta sotqa deıingi tergeý amaldary júrgizilip jatyr. Sonymen qatar polısıa qyzmetkerleri azamattyń qala aýmaǵynda basqa da yqtımal qylmystardy jasaýǵa qatysy bar-joǵyn anyqtap jatyr. Mobıldi qurylǵy tárkilendi.
QR QPK-niń 201-babyna sáıkes tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.