Almatyda qoǵamdyq kólik júrgizýshisin qorqytqan buzaqy ustaldy, – dep habarlaıdy aqshamnews.kz Polisia.kz-ke silteme jasap.
Bul derek áleýmettik jelilerge júrgizilgen monıtorıń barysynda anyqtaldy. Kýágerlerdiń vıdeosynda er adamnyń áýeli avtobýstyń esigin teýip, sosyn pyshaq sıaqty kóringen zatty siltep, júrgizýshini qorqytqany kórinedi.
– Oqıǵa tańerteń erte Nazarbaev pen Raıymbek dańǵyldarynyń qıylysyndaǵy qoǵamdyq kólikterdiń sońǵy aıaldamasynda bolǵany anyqtaldy. Osy qylmysty ashý jáne onyń obektıvti mán-jaıyn anyqtaý úshin qalanyń beınebaqylaý júıelerine taldaý júrgizilip, nátıjesinde qylmysqa qatysy bar adam anyqtaldy. Ol ustalyp, ýaqytsha ustaý ızolátoryna ornalastyryldy. Buzaqylyq deregi boıynsha qylmystyq is qozǵaldy. Tergeý barysynda kúdikti men avtobýs júrgizýshisi arasyndaǵy kıkiljiń aıaldama ornynda turǵan kólikke ótip bara jatqan adamnyń miný nıetinen týyndaǵany belgili boldy. Júrgizýshi oǵan eskertý aıtty, al ótip bara jatqan adam qurylys pyshaǵyn shyǵarǵan. Eshkim zardap shekken joq, – dedi Jetisý aýdandyq polısıa basqarmasynyń bastyǵy Jánibek Shynasylov.