Zerthana Almaty qalasyn sıfrlandyrý jáne prosesterdi avtomattandyrý salasyn jetildirýge arnalǵan.
Qazaqstan-Brıtan tehnıkalyq ýnıversıtetinde Almatynyń sıfrlandyrý basqarmasymen jáne IGLUS halyqaralyq shveısarıalyq uıymymen birlesip SMART CITY Lab zerthanasynyń ashylý rásimi ótti, dep habarlaıdy Almaty-akshamy.kz
«Qazirgi ýaqytta qalalardyń damýy qoldanbaly tájirıbege jáne jekelegen baǵyttardyń bilim bazasyna baılanysty. Aqyldy qalalardy basqarý ádisnamasyna negizdelgen bul joba aqparat pen quzyrettilikti bir jerde jınaý men taldaýdy ortalyqtandyrýǵa múmkindik beredi. Almaty álemdik ozyq tájirıbege turaqty qoljetkize alady jáne ınfraqurylymy damyǵan zamanaýı qala retinde damıtyn bolady», – dep málimdedi Almaty qalasy ákiminiń orynbasary Álisher Ábdiqadyrov.
Mamandardyń pikirinshe, «aqyldy» qalalyq zerthana praktıkalyq sheshimderdiń kózi bolyp tabylady.
«Biz adamdarǵa júıeli túsinik alýǵa kómektesemiz, óıtkeni qalalar kúrdeli júıeler. Biz, saıyp kelgende, qala turǵyndarynyń osy tásildi naqty sezinýin qalaımyz. Kópshilik qoldana alatyn ǵalamdyq jeliniń aspektilerine toqtalamyz», – dedi Lozanna federaldy polıtehnıkalyq mektebiniń profesory Mattıas Fınger.
Joba qalalyq júıelerdiń tıimdiligin baǵalaýǵa jáne taldaýǵa, ınfraqurylymdy damytýǵa jáne Smart City ı Smart Systems magıstratýrasy men zıatkerlik júıelerdiń bilim berý baǵdarlamalary boıynsha kadrlardyń biliktiligin arttyrýǵa múmkindik beredi.
«Bul Qazaqstan men Ortalyq Azıa aýmaǵyndaǵy osyndaı alǵashqy zerthana jáne biz ony Almatydaǵy QBTÝ-da ashýdy maqtan tutamyz. Biz seriktesterimizben birge osy zerthananyń mindetteri men maqsattaryn iske asyryp, jańa mamandardy, magıstranttar men doktoranttardy oqytyp, qala turǵyndarynyń ómir súrý sapasyn jaqsartýǵa yqpal etip, súıikti qalamyzdyń ınfraqurylymyn jańǵyrtý úshin jańa sheshimder engizetin bolamyz», – dep atap ótti QBTÝ rektory Maratbek Ǵabdýllın.
Bolashaqta QBTÝ bazasynda sıfrlandyrý basqarmasynyń bólimshesin ashý josparlanýda, bul qyzmetkerlerge IT salasynda magıstranttar men doktoranttarmen birlesip jobalardy ázirleýge múmkindik beredi.
Anyqtama: IGLUS – bul Lozannadaǵy Shveısarıa Federaldy tehnologıalyq ınstıtýt qurǵan ǵylymı-zertteý baǵdarlamasy: Lozanna Federaldy polıtehnıkalyq mektebi (EPFL) 2011 jyly iri, kúrdeli jáne dınamıkalyq qalalyq júıelerdi basqarýdy jaqsartýǵa baǵyttalǵan.