Almatyda zamanaýı qamshylardyń tusaýkeseri ótti.
Onyń ishinde balalarǵa arnalǵan «Bilge» qamshysy bar. Qamshyda qazaqtyń án kúıleri, jańyltpash, maqal-mátelderi toptastyrylǵan, dep habarlaıdy Almaty-akshamy.kz.
Bala qamshymen oınap ári túrki jurtyna ortaq quraldyń tarıhyn bilip ósedi, - deıdi uıymdastyrýshylar.
Smart qamshylarǵa elimizge belgili óner adamdarynyń ánderi de engizilgen. Shara aıasynda Bolat Bopaıulynyń «Adamzat rýhy-qamshy» atty kitaby kópshilikke tanystyryldy. Týyndyda jetpisten asa qamshynyń ataýy men qoldaný ádebi týraly málimetter berilgen.
«Artymyzdan erip, ósip-ónip jatqan urpaqtarymyzǵa ulttyq rýhyn oıatý, ulttyq ıdeologıa qalyptastyrý, endi abstrakt uǵymda qalyptaspaıdy ǵoı, naqty zatty brendke aınaldyryp, qamshynyń qasıetin urpaqqa tanytý úshin osy kitap jasaldy», - deıdi jazýshy-etnograf Bolat Bopaıuly.