Almaty V qysqy spartakıada qabyldady
2021 jylǵy 21 jeltoqsanda Almaty Arena muz aıdynynda Qazaqstan Respýblıkasynyń V qysqy spartakıadasynyń saltanatty ashylýyna oraı baspasóz konferensıasy ótti, dep habarlaıdy Almaty-akshamy.kz Almaty.tv saıtyna silteme jasap
QR spartakıadasy – elimiz úshin shyn máninde tarıhı oqıǵa. Almatyda 8-27 jeltoqsan aralyǵynda Qazaqstan Respýblıkasynyń V qysqy spartakıadasy ótip jatyr. Bul is-shara 4 jylda bir ret ótkiziledi. Bıyl Almaty quramasynyń atynan sporttyń 14 túri boıynsha 215 sportshy men 38 jattyqtyrýshy qatysady. Komandalar sporttyq kerek-jaraqtarmen tolyqtaı qamtamasyz etilgen.
Baspasóz konferensıasyna qatysýshylar: Qanaǵatov Elsıar Baımuhameduly - QR UOK sport dıreksıasynyń dırektory; Baıseıtov Rústem Sálimuly - Almaty qalasy sport basqarmasynyń basshysy; Klımenko Valerıı - sport sheberi, "Azıa balalary" jarystarynyń jeńimpazy, QR chempıonattary men QR kýboktarynyń birneshe dúrkin jeńimpazy; Mýhamadeev Anvar-QR halyqaralyq dárejedegi sport sheberi, jasóspirimder Olımpıadasynyń kúmis júldegeri, QR kýboktarynyń birneshe dúrkin jeńimpazy, 2021 álem kýbogy kezeńiniń qola júldegeri, QR Ulttyq quramasynyń múshesi.
Sharanyń basty maqsaty – salaýatty ómir saltyn nasıhattaý, qysqy sport túrleri boıynsha ulttyq komandalardy jınaqtaý, halyqaralyq jarystarǵa daıarlaý, onyń qatarynda Qysqy Olımpıada oıyndary da bar. Spartakıada baǵdarlamasyna sporttyń 14 túri endi.
Qazirgi ýaqytta jarysqa 16 oblys pen respýblıkalyq mańyzy bar 3 qalanyń atynan 1300-ge jýyq adamnan quralǵan qurama komandalar qatysýda. Keshendi spartakıada 14 sport túrinen úzdik ataǵyna talasatyn elimizdiń eń myqty sportshylaryn jınady: bıatlon, kerlıng, kónkımen júgirý, mánerlep syrǵanaý, short-trek, shaıbaly hokeı (erler), shaıbaly hokeı (áıelder), taý shańǵysy sporty, aralas shańǵy, shańǵymen sekirý, snoýbord, frıstaıl-mogýl, frıstaıl akrobatıka.
QR V qysqy spartakıadasynyń saltanatty ashylýy Almaty Arena sport kesheninde baspasóz konferensıasynan keıin birden ótti. İs-sharany Almaty qalasy sport basqarmasynyń basshysy Rústem Baıseıitov pen QR Mádenıet jáne sport vıse - mınıstri Serik Jarasbaev, QR UOK sport dıreksıasynyń dırektory - Qanaǵatov Elsıar Baımuhameduly ashty.
Ashylý rásiminde QR Mádenıet jáne sport vıse-mınıstri Serik Jarasbaev quttyqtaý sóz sóılep, ashylý saltanatynyń joǵary deńgeıde ótkenin atap ótti.
«Ózderińiz biletindeı, Spartakıada tórt jylda bir ret ótedi. Bul tórtjyldyqtyń basty jarysy - Olımpıada oıyndarynyń aldynda qysqy sport túrleri boıynsha ulttyq quramaǵa irikteý bolady. Spartakıadany alǵash ret bir qalada, bir jerde ótkizýge múmkindigimiz bar ekeni qýantady. Uıymdastyrýshylarǵa alǵysymdy bildirgim keledi», - dedi Serik Jarasbaev.
Sport basqarmasynyń basshysy spartakıadanyń barlyq qatysýshysy men uıymdastyrýshylaryn quttyqtap, qalanyń barlyq sport mektebiniń jumysyn jáne sporttyq is-sharanyń ótkizilý deńgeıin atap ótti.
«Almatyda kez kelgen joǵary deńgeıdegi halyqaralyq jáne respýblıkalyq jarystardy ótkizýge múmkindik beretin eń zamanaýı sporttyq ınfraqurylym qalyptastyrylyp, paıdalanýǵa berildi. Qazaqstan Respýblıkasynyń V qysqy spartakıadasyn ótkizýge arnalǵan Almaty arena osyndaı tabysty nysandardyń biri boldy», – dedi Almaty qalasy sport basqarmasynyń Rústem Baıseıitov basshysy.
Aıta keteıik, ashylý saltanatyna Almaty qalasy ákimdiginiń barlyq mamandandyrylǵan balalar men jasóspirimder sport mektebiniń tárbıelenýshileri qatysty. Bizdiń sportshylar aldyna óńirlerdiń ataýy jazylǵan taqtaıshalardy alyp júrdi. Barlyq qatysýshylar - bizdiń mektepterimizden shyqqan óz salasynyń úzdikteri.