QR Ulttyq qaýipsizdik komıteti İİM-men birlesip «Qazaqstandyqtar» uıymdasqan qylmystyq tobynyń (UQT) jetekshilerin ustady
UQK İİM-men birlesip, Almaty qalasynda jáne Almaty oblysynda burynǵy sportshylar men buryn sottalǵan adamdardan turatyn «Qazaqstandyqtar» UQT-nyń quqyqqa qaıshy áreketiniń jolyn kesý boıynsha iri aýqymdy arnaıy operasıa júrgizdi, dep habarlaıdy Almaty-akshamy.kz QazAqparatqa silteme jasap.
Toptyń ustalǵan alty múshesiniń Almaty óńiri aýmaǵyndaǵy kóptegen qylmystarǵa (qorqytyp tartyp alý, qaraqshylyq, ozbyrlyq, buzaqylyq, kásipkerlerge krımınaldyq qamqorlyq, mal urlyǵy) qatysy bar. Kúdiktilerdi ustaý jáne turǵylyqty jerlerin tintý barysynda 4 birlik atys qarýy, 177 oq-dári, 7 granata, arnaıy quraldar, sondaı-aq ú.j. qańtarda maroderlikke qatysqandaryn rastaıtyn zattar (radıostansıalar, «PR» dýbınkalary, brondy keýdeshe) tárkilendi. Ustalǵandar QAJD 8-TI jáne UQK Almaty qalasy boıynsha departamentiniń tergeý ızolátorlaryna qamaldy. QR QK 287-babynyń 3 jáne 4-bólikteri (atys qarýyn, oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha qylmystyq ister qozǵaldy.
Jedel tergeý is-sharalary kesheniniń nátıjesinde top músheleri UQT múshelerine tıesili qarýy bar «kómbelerdi» kórsetýge oıysty. Almaty oblysy Eńbekshiqazaq aýdanynda eki «kómbe» anyqtalyp, olardan 44 birlik atys qarýy jáne 3 birlik sýyq qarý, sondaı-aq 20 birlik oq-dáriler alyndy. Alynǵan qarý-jaraqty, sondaı-aq olardy qańtar oqıǵalarynda qoldanýdy sáıkestendirý boıynsha is-sharalar júrgizilip jatyr.
Jedel tergeý is-sharalary jalǵasýda.