Qol alysýdan bas tartý, gıgıenanyń negizgi erejelerin saqtaý, bólmelerdi jeldetip turý sıaqty negizgi usynystar qoldanysta bolady
Nıderlandy basshylyǵy 25 aqpannan bastap barlyq koronavırýstyq shekteýlerdi alyp tastaýdy josparlap otyr, dep habarlaıdy Almaty-akshamy.kz COVID-19 taralýyna jol bermeý jónindegi VAK silteme jasap.
18 aqpannan bastap kafeler, barlar men meıramhanalardyń, sondaı-aq mádenı jáne oıyn-saýyq mekemeleriniń jabylý ýaqyty 22:00-den 01:00-ge deıin ózgeredi, odan keıingi bir aptalyq merzimde barlyq mekemeler pandemıaǵa deıingi ádettegi jumys rejımine orala alady.
Sanıtarlyq ruqsattamalardyń da kúshi joıylady, alaıda qajettilik týyndaǵan jaǵdaılarda olardy paıdalanýdy qalpyna keltirý joqqa shyǵarylmaıdy. Olar shetelge saıahattaý úshin óz kúshinde qalady. İri buqaralyq is-sharalarda 1G júıesi jumys isteı bastaıdy, oǵan kirý koronavırýsqa testtiń teris nátıjesimen ǵana ruqsat etiledi. Úkimettiń sheshimi pandemıanyń densaýlyq saqtaý júıesine artqan júktemesiniń azaıýyna baılanysty qabyldanýda.