Ústel tenısinen Qazaqstan komandasy Almaty oblysynda jattyǵý jıynyn ótkizdi.
Qazaqstan ulttyq komandasy Almatydaǵy «Aqbulaq» olımpıadalyq ortalyǵynda Ústel tenısinen jattyǵý jıynyn ótkizdi. Jıynǵa jastar men jasóspirimder de qatysty, dep habarlaıdy Almaty-akshamy.kz Olympic.kz-ke silteme jasap.
«Jattyǵý jıynynda kóp nársege mán berdik. Kúnine jeti saǵat boıy toqtaýsyz daıyndaldyq. Negizinen aıaqtyń jumysyna basymdyq berdik. Dopty oıynǵa qosý jáne qabyldaý tehnıkasyn jetildirdik. Barlyǵyn psıhologıalyq jaǵynan da qarastyrdyq. Jıynda sportshylar qatty sharshady. Jalpy fızıkalyq daıyndyqty sapaly túrde oryndaǵandyqtan, buǵan tań qalýdyń qajeti joq. Tenısshiler sharshaǵanyna qaramastan, jıyndy jaqsy deńgeıde aıaqtady. Olardyń eki aptalyq kórsetkishine joǵary baǵa berýge bolady, - deıdi keńesshi-bapker Dmıtrıı Levenko.