Ulttyq onomastıka fenomeni: el tarıhy, jer taǵdyry
QR Ulttyq kitaphanasynyń N. Dáýletova atyndaǵy zalynda A.Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologıa ǵylymdarynyń doktory, profesor, qazaq onomastıkasynyń negizin salýshy Telǵoja Seıdinuly Januzaqtyń 95 jyldyq mereıtoıyna arnalǵan «Ulttyq onomastıka fenomeni: el tarıhy, jer taǵdyry» atty tiltanymdyq mektep alańy aıasyndaǵy halyqaralyq ǵylymı-teorıalyq konferensıa ótedi, dep habarlaıdy Almaty-akshamy.kz.
Shara 8 jeltoqsan saǵat 10.00-ge josparlanǵan. Shara aıasynda ǵalymnyń tiltanymdyq murasy, túrkitanýdaǵy onomastıka ǵylymy, ulttyq onomastıkanyń ózekti máseleleri, qazaq onomastıkasynyń jańa baǵyttary, Ulttyq onomastıkanyń lıngvomádenıettanymdyq jáne ortologıalyq máseleleri boıynsha belgili tilshi ǵalymdar baıandama jasaıdy, Telǵoja Januzaqtyń ǵylymı eńbekteriniń kórmesi uıymdastyrylady.
Telǵoja Januzaq qazaq onomastıka ǵylymynyń negizin salǵan, sonymen qatar til biliminiń leksıkografıa, termınologıa, orfografıa, statlıngvıstıka, aýdarma máselelerimen shuǵyldanǵan. Ǵalym osy ýaqytqa deıin onomastıka ǵylymy boıynsha monografıalar jazyp, maqalalar jarıalap keledi.