Bul mańyzdy oqıǵa oftalmologıa salasyndaǵy halyqaralyq yntymaqtastyqty damytýdaǵy mańyzdy kezeń boldy.
Qazaq kóz aýrýlary ǵylymı-zertteý ınstıtýtynda (QazǴZI) Qazaq-Nemis glaýkoma ortalyǵynyń saltanatty ashylýy ótti, dep habarlaıdy aqshamnews.kz
Ashylý saltanatyna Almaty qalasy ákimdiginiń ókilderi, Qazaqstannyń jetekshi oftalmologtary jáne Germanıadan kelgen profesor Karl Erb qatysty. İs-sharaǵa qatysýshylar soqyrlyq pen nashar kórýdiń jetekshi sebepteriniń biri bolyp tabylatyn syrqat – glaýkomany dıagnostıkalaý jáne emdeýge arnalǵan jańa ortalyqtyń mańyzdylyǵyn aıshyqtap, daıyndyq pen uıymdastyrýdyń joǵary deńgeıin atap ótti.
QazǴZI jáne Berlındegi Qoldanbaly oftalmologıa ınstıtýty arasyndaǵy yntymaqtastyq týraly memorandýmǵa qol qoıý mańyzdy oqıǵa boldy, ony Wittenbergplatz kóz klınıkasy bóliminiń meńgerýshisi, derbes Qoldanbaly oftalmologıa ınstıtýtynyń negizin qalaýshy dırektory, Charité ýnıversıtettik klınıkasynyń profesory, profesor Karl Erb basqarady. Bul qujat tájirıbe almasýǵa, birlesken zertteýler júrgizýge jáne glaýkomany emdeý salasyndaǵy jańa tehnologıalardy damytýǵa baǵyttalǵan strategıalyq seriktestikti bekitti.
Qazaqstanda glaýkoma dıagnozy qoıylǵan 70 myńnan astam naýqas tirkelgen jáne olardyń sany ósýde. Osy aýrýmen aýyratyn naýqastardyń kórý qabiletin saqtaýdyń negizgi faktorlary erte dıagnostıkalaý jáne ýaqytyly emdeý bolyp tabylady.
QazǴZI densaýlyq saqtaýdy damytýdyń memlekettik baǵdarlamasy sheńberinde 2011 jyly bastalǵan glaýkoma skrınıngin iske asyrýda sheshýshi ról atqarady. Osy baǵdarlamanyń arqasynda aýrýdyń erte kezeńderin anyqtaý eki ese ósti.
Saltanatty rásimge ortalyqtyń resmı ashylýyn aıshyqtaıtyn dástúrli lenta kesý kirdi. Instıtýt basshylyǵy, qonaqtar men seriktester jańa ortalyqtyń tájirıbe almasý, oqytý jáne glaýkomany emdeýdiń ozyq tehnologıalaryn engizý alańyna aınalatynyna senim bildirdi.
QazǴZI Bas dırektory Aldasheva Neılányń sóılegen sózinen:
«Búgingi kún bizdiń halyqaralyq baılanystarymyzdy nyǵaıtýdaǵy mańyzdy qadam bolyp tabylady. Qazaq-Nemis glaýkoma ortalyǵynyń ashylýy – profesor Karl Erb basqaratyn Qoldanbaly oftalmologıa ınstıtýtymen strategıalyq seriktestiktiń nátıjesi. Jańa ortalyq bizge glaýkoma sıaqty áleýmettik mańyzdy syrqatpen kúresýge kómektesedi. Biz Qazaqstanda oftalmologıalyq qyzmetti jetildirý boıynsha jumysty jalǵastyratyn bolamyz».
Profesor Karl Erb óz sózinde mynany atap ótti:
«Biz bul yntymaqtastyqty Qazaqstandaǵy glaýkomamen aýyratyn naýqastarǵa paıda ákeletin ózara tájirıbe almasý retinde kóremiz. KA QazǴZI-daǵy zamanaýı jabdyqtar men mamandardyń joǵary deńgeıiniń arqasynda jańa ortalyq glaýkomany emdeý men dıagnostıkalaýda mańyzdy meje bolmaq. Bizdiń birlesken qarym-qatynasymyz damyp, óz jemisin beretinine senimdimin».
Almaty qalasy ákiminiń orynbasary Nýsýpova Asem bylaı dep atap ótti:
«Almaty qalasy medısınanyń damýyna basa kóńil bóledi. Jańa glaýkoma ortalyǵy –azamattarymyzdyń densaýlyǵyn jaqsartýǵa qosqan eleýli úles. Biz medısınalyq kómek deńgeıin jańa deńgeıge kóterý úshin sheteldik áriptestermen oqytý jáne tájirıbe almasý baǵdarlamalaryn qoldaýdy jalǵastyramyz».
Negizgi mamandardyń sóılegen sózi erekshe nazar aýdartty
Medısına ǵylymdarynyń doktory, profesor, QR UǴA korespondent-múshesi, Qazaqstan Respýblıkasy Densaýlyq saqtaý mınıstrliginiń shtattan tys bas oftalmology Botabekova Týrsýngýl erte dıagnostıkalaý men jańa tehnologıalardy engizýdiń mańyzdylyǵyn atap ótti: «40 jastan keıin kózdi tekserýge jaýapkershilikpen qaraý kerek. Eger biz operasıa ýaqytynda jasalmasa, kórý qabiletinniń joǵalýy múmkin. Lazerlik jáne basqa kóptegen ádister sıaqty jańa tehnologıalardy engizý óte mańyzdy. Germanıadan kelgen áriptestermen birlese otyryp, biz osy baǵyttaǵy jumysty kúsheıtýdi qalaımyz».
Almaty qalasynyń qoǵamdyq densaýlyq saqtaý basqarmasynyń basshysy Akanova Asıa óńirdegi densaýlyq saqtaý júıesin jaqsartý jáne kóz aýrýlaryn dıagnostıkalaý men emdeýdiń qoljetimdiligin arttyrý úshin ortalyqtyń ashylýynyń mańyzdylyǵyn atap ótti.
Resmı bólimnen keıin semınar ótti, onda Qazaqstannyń ártúrli óńirlerinen kelgen mamandar glaýkomany dıagnostıkalaý men emdeýdiń zamanaýı tásilderin talqylady.
QazǴZI ǵylymı, bilim berý jáne klınıkalyq áleýetiniń joǵary deńgeıin kórsete otyryp, Qazaqstandaǵy oftalmologıanyń jetekshi ortalyǵy retindegi bedelin nyǵaıtýdy jalǵastyrýda.
Anyqtama
Kóz aýrýlary QazǴZI Qazaqstan Respýblıkasyndaǵy oftalmologıa salasyndaǵy jetekshi ǵylymı-klınıkalyq mekeme bolyp tabylady jáne kóz aýrýlaryn emdeýdi damytýǵa eleýli úles qosady. Jumys istep turǵan 90 jyl ishinde ınstıtýt iri ǵylymı-bilim berý ortalyǵyna aınaldy, zertteýlerdiń keń aýqymyn júrgizedi, jańa tehnologıalardy damytady jáne emdeýdiń ozyq ádisterin engizedi. Munda jyl saıyn júzdegen myń emdelýshi em alady.
QazǴZI otandyq oftalmologtardyń jáne eń joǵary deńgeıdegi sheteldik mamandardyń qatysýymen is-sharalardy júıeli túrde ótkize otyryp, halyqaralyq medısınalyq qoǵamdastyqqa belsendi ıntegrasıalanǵan.
Glaýkoma – bul kózishilik qysymnyń joǵarylaýymen baılanysty sozylmaly aýrý, ol kórý júıkesiniń zaqymdalýyna jáne kórý qabiletiniń joǵalýyna ákelýi múmkin. Qazaqstanda glaýkoma dıagnozy qoıylǵan 70 myńnan astam naýqas tirkelgen jáne olardyń sany ósýde. Osy aýrýmen aýyratyn naýqastardyń kórý qabiletin saqtaýdyń negizgi faktorlary erte dıagnostıkalaý jáne ýaqytyly emdeý bolyp tabylady.
Ortalyq jáne semınar jaıly qosymsha aqparat alý úshin suraý salýlar:
Telefon: +7 (707) 383-38-33
Baılanys tulǵasy: Dýman Kapasov