Ótken senbi kúni Almatyda Qazaqstannyń sıfrlandyrý kúnine arnalǵan Qazaq IT Community Day forýmy uıymdastyryldy. İs-sharaǵa 300-den astam IT salasynyń ókilderi, onyń ishinde talantty qazaqstandyq jastar qatysty. Forým Qazaqstan Respýblıkasy Sıfrlyq damý, ınovasıalar jáne aeroǵarysh ónerkásibi mınıstrligi, Almaty qalasy ákimdigi, Jasandy ıntellekt qaýymdastyǵy, Women in Tech Kazakhstan, GDG jáne Women Techmakers uıymdarynyń qoldaýymen ótti, dep habarlaıdy aqshamnews.kz Qazaqstannyń Sıfrlyq damý, ınovasıalar jáne aeroǵarysh ónerkásibi mınıstrligine silteme jasap.
Forýmda jastar saıasaty men sıfrlandyrýǵa qatysty negizgi taqyryptar talqylandy, sebebi ınovasıa men adamı kapıtal Qazaqstannyń sıfrlyq áleýetin aıqyndaıdy.
Forýmda aıtylǵan basty máseleler: Jasandy ıntellekt mamandaryn daıarlaý:
«2029 jylǵa qaraı 1 mıllıon AI talantyn daıyndaýymyz kerek. Bul AI mádenıetin qalyptastyrý jáne ınfraqurylymdy damytý arqyly júzege asady», — dedi QR Sıfrlyq damý, ınovasıalar jáne aeroǵarysh ónerkásibi mınıstriniń birinshi orynbasary Qanysh Týleýshın.
Jasandy ıntellektti retteý:
«Eger biz qazir jasandy ıntellektti retteýmen aınalyspasaq, keıin onymen kelisimge kelýge májbúr bolamyz», — dep atap ótti QR Májilis depýtaty Ekaterına Smyshláeva.
- Qalanyń qaýipsizdigi:
Almaty qalasynda jer silkinisi kezinde jedel habar berý úshin sıfrlyq sheshimder engizilýde.
«Bul Almaty úshin óte mańyzdy», — dep málimdedi Almaty qalasy sıfrlandyrý basqarmasynyń basshysy Oljas Janabek.
- Tehnologıalyq kásipkerlik:
Venchýrlyq ınvestor Baht Nıazov tehnologıalyq kásipkerliktiń mańyzdylyǵy týraly baıandama jasady.
«Mundaı platformalar jastar úshin úlken múmkindik beredi. Eger búgin qatysýshylardyń arasynan kem degende eki startap dúnıege kelse, bul úlken jetistik bolmaq», — dedi ol.
Óńirlik ýnıversıtetterdiń róli:
Qorqyt Ata atyndaǵy Qyzylorda ýnıversıtetiniń ókili Mahmut Tomanov jasandy ıntellekt ınfraqurylymyn damytýdaǵy óńirlik joǵary oqý oryndarynyń rólin atap ótti.
- Jasandy ıntellektti damytý:
Jasandy ıntellekt qaýymdastyǵynyń ókilderi Qazaqstanda II damytý boıynsha jobalar, tásilder jáne máseleler týraly baıandama jasady. Qaýymdastyqtyń qurylǵany memlekettiń bıznes-pen tıimdi dıalogyn qamtamasyz etýge baǵyttalǵan. Bul týraly qaýymdastyq tóraǵasynyń orynbasary Anar Tóleýbaeva aıtty.
- Kıberqaýipsizdik:
Kıberqaýipsizdik jáne áleýmettik ınjenerıaǵa qarsy turý sesıasynda GTS RK basqarma tóraǵasy Asqar Júnisbek, SARKA, QazTech, BAKOTECH, MSSP Global jáne basqa da kompanıalardyń sarapshylary áleýmettik jelilerde ózin-ózi ustaýdyń negizgi erejeleri men ınternettegi qaýipsizdikti qamtamasyz etý quraldaryn talqylady.
«Kez kelgen kúmándi jaǵdaıda eń aldymen aqyl men logıkaǵa súıený kerek», — dep atap ótti sarapshylar.
Bıyl Qazaq IT Community úzdik IT jobalar men olardyń avtorlaryn jeti nomınasıa boıynsha marapattady: Rising Star in IT 2024, Innovation Driver 2024, Social Impact in IT 2024, Tech Advancement of the Year 2024, Mobile App Innovator 2024, Strategic Team Leader, Web Mastermind 2024.
Jeńimpazdarǵa Cloupard kompanıasy usynǵan 350 myń teńgelik granttar tabystaldy. Tolyǵyraq aqparatty @qazaqitcom Instagram paraqshasynan oqı alasyz. Baıqaýǵa barlyǵy 85 ótinim kelip túsken, olardyń ishinen úzdikter tańdap alyndy. Qazylar alqasynda AO «Qazposhta», AO «Bank SentrKredıt», AO «Qazaqtelekom», Axiom Capital, Women in Tech Kazakhstan jáne basqa da uıymdardyń ókilderi boldy.
Qazaq IT Community — Qazaqstandaǵy eń iri IT qaýymdastyq, onyń quramyna 4 300-den astam IT mamany kiredi. Qaýymdastyq qatysýshylar úshin tegin is-sharalar uıymdastyrady, olardyń qatarynda tehnıkalyq jáne taqyryptyq mıtaptar, taý saıahattary jáne basqa da sharalar bar.