Almatyda qaza tapqan polısıa qyzmetkerlerine qurmet kórsetildi, – dep habarlaıdy Aqshamnews.kz tilshisi Polisia.kz-ke silteme jasap.
Búgin Qazaqstan polısıasynyń 33 jyldyǵyna arnalǵan ıdeıalyq-ımıdjdik naýqan aıasynda Alataý aýdandyq polısıa basqarmasynda qaza tapqan ishki ister organdarynyń qyzmetkerlerine arnalǵan eskertkishke saltanatty túrde gúl shoqtary qoıyldy.
İs-sharaǵa Almaty qalalyq polısıa departamentiniń basshylyǵy, ardagerler, jeke quram, qaza tapqan qyzmetkerlerdiń otbasylary, sondaı-aq qyzmettik jolyn endi ǵana bastaǵan jas qyzmetkerler qatysty.
"Zań men tártip jolynda janyn qıǵan áriptesterimizdi eske alý jaı ǵana qurmet emes. Bul urpaqtar sabaqtastyǵyna negiz. Olardyń erligi - jas qyzmetkerler úshin ómirlik baǵdar, qaýipsizdiktiń qandaı jolmen kelgenin eske salý. Biz olardyń esimderin eshqashan umytpaımyz", - dedi Almaty qalalyq polısıa departamenti bastyǵynyń orynbasary Ádilǵoja Qusaıynov.