Bıyl Ramazan aıy 11 naýryzda bastalyp, 9 sáýirde aıaqtalady. Óńirlik komýnıkasıalar qyzmetiniń alańynda qasıetti aıdy ótkizý týraly Almaty qalasynyń bas ımamy Tólebı Ospan habarlady.
Ramazan - musylmandar oraza ustaıtyn paryz aıy. Bul Islamnyń bes tireginiń biri, ár senýshi úshin qasıetti din negizderi.
Spıker oraza kezinde musylmandar kúndizgi ýaqytta tamaq pen sý ishýden tyıylatynyn, sondaı-aq oıyn-saýyq pen kóńil kóterýge, alkogól ishýge jáne jaman sóz aıtýǵa tyıym salynatynyn eske saldy.
«Sizderdi kúqasıetti Ramazan aıynyń kelýimen shyn júrekten quttyqtaımyn, bul aıdy dinı senimdegiler jyl saıyn kútedi jáne búkil musylman qaýymy asyǵa kútedi! Ramazan - tyıylý aıy. Bul tamaq pen sýsynnan ǵana emes, kúná men zulymdyqtan bas tartý ýaqyty. Hadıste:«Kimde-kim jaman sózi men jaman is-áreketten tyıylmasa, onyń tamaq jeýden jáne sýsyn ishýden tyıylǵanynan Alla taǵalaǵa eshbir keregi joq delingen», - dedi Tólebı Ospan.
Sondaı-aq, spıker Almatyda qasıetti Ramazan aıyn merekeleý jospary bekitilgenin aıtty. Bıylǵy jyly qalanyń 54 meshitiniń 50 -inde Quran hatym jasalyp, taraýıh namazy oqylady.
Budan basqa, Almatynyń ortalyq meshitinde kún saıyn 500 adamǵa arnalǵan úlken ıftar (aýyzashar) uıymdastyrylatyn «Ramazan shatyry» salynady. Sondaı-aq, jergilikti aýyzasharlar qalanyń basqa meshitterinde de ótkiziletin bolady.
Resmı túrde QMDB bıylǵy jyldy «Islam jáne dástúr qundylyǵy» jyly dep jarıalady, osyǵan baılanysty qasıetti aıda is-sharalar bizdiń dástúrlerimizge sáıkes ótedi.
«Oraza aıy Naýryz merekesimen sáıkes keletindikten, keshki aýyzashar kezinde meshit qonaqtaryna naýryz kóje men baýyrsaq taǵamdarynan dám tartylady. Aýyzashar ótetin oryndar qazaqy órnekterimen bezendirilip, Ramazan aıynyń qurmetine «Jarapazan» oryndalady, - dedi T. Ospan.
Ramazandaǵy aýyz bekitý men namaz ýaqytynyń kestesin Qazaqstan musylmandary dinı basqarmasynyń muftyat.kz jáne azan.kz. saıtynan tabýǵa bolady.
Budan basqa, laýazym boıynsha suraqtar, dinı máseleler týyndaǵan jaǵdaıda, qajetti aqparatty Qazaqstan musylmandary dinı basqarmasy janyndaǵy dinı aqparat berý ortalyǵynan alýǵa bolady. Ortalyq nómiri - +7 (707) 233-30-30, WhatsApp +7 (707) 662 6561. Almaty ortalyq meshiti janyndaǵy Ortalyq nómiri– +7 707 939 7708.