Barlyǵy segiz kúdikti áshkerelendi
Almatyda qarjy pıramıdasy boıynsha taǵy eki aıyptalýshy qamaýǵa alyndy, – dep habarlaıdy Polisia.kz.
«MUDARABAN CAPITAL» kompanıasynyń taǵy eki qyzmetkeri qarjy pıramıdasyn uıymdastyrdy degen kúdikpen ustaldy.
«Bul kompanıanyń negizin qalaýshy 1988 jyly týǵan J.esimdi azamat jáne basqarma tóraǵasy qyzmetin atqarǵan 1983 jyly dúnıege kelgen R.esimdi azamat. Olar QR Qylmystyq is júrgizý kodeksiniń 128-baby boıynsha ustaldy jáne Almaty qalalyq PD ýaqytsha ustaý ızolátoryna qamaldy», – dedi Almaty qalalyq PD bastyǵynyń orynbasary Rústem Ábdirahmanov.
Esterińizge sala keteıik, qylmystyq is Almaty qalalyq Polısıa departamentinde bir top azamattardyń «ASTEX.KZ» JSHS, «ACD Technology» JSHS laýazymdy tulǵalaryna qarjylyq pıramıda qurý jáne basqarý faktisi boıynsha ujymdyq aryz jazýlaryna baılanysty tirkelgen bolatyn (QR QK-niń 217 baby).
«2019 jyldyń aqpanynan 2021 jyldyń qańtaryna deıingi aralyqta atalǵan JSHS-niń laýazymdy tulǵalary jeke jáne zańdy tulǵalarmen memlekettik satyp alýǵa qatysý úshin qajet dep boljanatyn qarajatty tartý boıynsha birlesken qyzmet týraly kelisimder jasasqany anyqtaldy, ekijaqty qujatqa sáıkes fırmalar árbir salymshyǵa salynǵan salym somasynyń 20 paıyzyn aı saıyn tóleýge mindetti bolǵan. «ASTEX.KZ» JSHS-ne 162 salymshynyń eki mıllıard teńgeden astam qarajaty basqa kompanıa – «MUDARABAN CAPITAL» JSHS arqyly túsip otyrǵan. Osy qylmysty jasaǵany úshin barlyǵy segiz kúdikti áshkerelendi, olardyń altaýy sottyń sanksıasymen qamaýǵa alyndy, bireýi izdeýde, taǵy bireýi úıqamaqta», – dedi Rústem Ábdirahmanov.