Almatyda qar kúreýge 458 birlik tehnıka men 1224 jumysshy jumyldyryldy
Almaty qalasynda 26 qańtar kúni saǵat 04:00-den bastap qar jaýa bastady. Saǵat 09:00-degi jaǵdaı boıynsha 2 sm tústi.
Qar jaýǵanǵa deıin aldyn ala negizgi magıstraldyq kósheler suıyq reagenttermen óńdelgen. Kóktaıǵaqtyń aldyn alý maqsatynda saǵat 05:00-den bastap 126 qum taratqysh arqyly kóktaıǵaqqa qarsy materıaldar (KQM) sebildi. Saǵat 09:00-degi jaǵdaı boıynsha 386 tonna KQM paıdalanyldy.
Trotýarlar men jalpy paıdalanylatyn oryndar, qoǵamdyq kólik aıaldamalary men jer ústi jaıaý júrginshiler ótkelderi qolmen kúrelip jatyr.
Túngi ýaqytta barlyǵy 416 birlik arnaıy tehnıka men 268 jumysshy jumyldyryldy. 19 qar tıegishtiń, 66 ózi túsirgish júk kóliginiń, 3 traktordyń, 2 avtogreıderdiń jáne 127 jumysshynyń kúshimen qar shyǵarý jumystary qolǵa alyndy. Sońǵy qar jaýǵanǵa deıin 17 qańtar saǵat 09:00-degi jaǵdaı boıynsha 87 myń m3 qar shyǵaryldy.
26 qańtar saǵat 08:00-den bastap 458 birlik tehnıka, atap aıtqanda 153 qum taratqysh, 169 shaǵyn trotýar jınaý tehnıkasy, 45 tıegish, 69 ózi túsirgish júk kóligi jáne 1224 jumysshy qar kúreýge shyqty. Aýdan ákimdikterinde jumysty baqylaý úshin táýlik boıy kezekshilik uıymdastyryldy.
«Qazgıdromet» RMK boljamynsha 26 qańtarda kúndizgi ýaqytta azdap qar jaýady. Túnde jáne kúndiz aýa temperatýrasy -1...-3 gradýs.