İs-shara kıno jáne teatr rejıseri Ázirbaıjan Mámbetovtiń 90 jyldyǵyna arnalǵan
Muhtar Áýezov atyndaǵy Qazaq ulttyq drama teatrynda «Qara shańyraq – 2022» atty festıvali bastaldy, dep habarlaıdy Almaty-akshamy.kz Almaty.tv-ge silteme jasap.
İs-shara bıyl KSRO jáne Qazaqstannyń Halyq ártisi, kıno jáne teatr rejıseri Ázirbaıjan Mámbetovtiń 90 jyldyǵyna arnalǵan. Jyl saıyn uıymdastyrylatyn festıvalde teatrdyń bir maýsymynda shyqqan jańa spektáklderge taldaý jasalady. Maqsaty – jańa qoıylymdardyń sapasyn, akterlerdiń sheberligin baǵalaý. Festıvál 11 jeltoqsanǵa deıin jalǵasady.
«Akterler úzdiksiz izdenýi qajet. İzdenis toqtaǵan kezde, akterlik óner de toqtap qalady. Al ony baǵalaý teatr synshylary úshin de, biz úshin de qajet. Qaı baǵytta bara jatyrmyz? Qandaı akterlik jetistigimiz bar, qandaı olqylyǵymyz bar? Sony saralaýymyz kerek», – dedi M. Áýezov atyndaǵy Qazaq ulttyq drama teatrynyń qoıýshy rejıseri Áýbákir Rahımov.
Ákemteatr ujymy Ázirbaıjan Mámbetovke arnalǵan kórme de uıymdastyrǵan. Onda óner ordasynyń mýzeıinde saqtalǵan 100-ge jýyq fotosýret pen afıshalar usynylǵan. Qoǵam qaıratkeriniń tarıhı spektáklderdegi sahnalyq obrazy, maıly boıaýmen beınelengen portretteri qoıylǵan.
«Qundy, tarıhı keremet jádiger qolymyzǵa tıdi. 1984 jyly Máskeýdegi Vahtangov teatrynda Ázirbaıjan Mámbetovty shaqyryp, Shyńǵys Aıtmatovtyń «Ǵasyrdan da uzaq tún» spektakli qoıylǵan eken. Sol kezdegi afısha bizge jetip otyr», – dedi M. Áýezov atyndaǵy Qazaq ulttyq drama teatry mýzeıiniń jetekshisi Nargız Tamabekqyzy.