Taýly jerde, taý bókterinde jáne joldyń qaýipti aýmaqtarynda kóktaıǵaqtyń aldyn alý úshin kóktaıǵaqqa qarsy materıaldar sebiledi.
Qala boıynsha júris-turysty qamtamasyz etý úshin Almaty qalasynyń komýnaldyq qyzmeti kúsheıtilgen rejımge aýystyryldy, dep habarlaıdy Almaty-akshamy.kz
Dıslokasıa oryndarynda 168 qum taratqysh kezekshilikke shyqty. 436 birlik arnaıy tehnıka men 1125 jumysshy jumyldyryldy.
154 birlik shaǵyn kólemdi tehnıkanyń kúshimen trotýarlar men jalpy paıdalanylatyn oryndar mehanıkalandyrylǵan túrde tazalanyp, qoǵamdyq kólik aıaldamalary men jer ústi ótkelderinde qar qolmen kúrelip jatyr.
Aýdan ákimdikterinde jumysty baqylaý boıynsha táýlik boıy kezekshilik uıymdastyryldy. Úı aýlasyndaǵy qardy kúreýde turǵyn úı ınspeksıasy turǵyn úı basqarmasynyń barlyq túrine monıtorıń júrgizedi.