Almatyda qańtardaǵy oqıǵalarǵa arnap panteon salynady. Bul týraly qala ákimi Baqytjan Saǵyntaev qalalyq shtab otyrysynda aıtty, dep habarlaıdy Almaty-akshamy.kz
Baqytjan Saǵyntaevtyń sózinshe, Almatyda jappaı tártipsizdik kezinde qaza tapqan adamdardy eske alýǵa arnalǵan panteon salynady.
«Memleket basshysynyń tapsyrmasymen jaqynda qańtar oqıǵalaryna arnalǵan panteonnyń eskızin daıyndaýǵa arnalǵan ashyq sáýlet baıqaýy jarıalanady», - dedi Almaty ákimi.
Buǵan deıin Baqytjan Saǵyntaev Almatydaǵy tártipsizdik barysynda zardap shekken dárigerlerge, polıseılerge jáne órt sóndirýshilerge 2 mln teńgege deıin qarjy bólinetinin aıtqan bolatyn.