Almaty qalalyq ákimdiktiń málimetinshe, megapolıste qant tapshylyǵy men onyń baǵasynyń negizsiz ósýine jol bermeý úshin jedel sharalar qabyldandy, dep habarlaıdy Almaty-akshamy.kz
«Nátıjesinde búginde naryqta qanttyń quny statısıka boıynsha sońǵy ýaqytta 2%-ǵa arzandady», - dep túsindirdi Almaty qalalyq kásipkerlik jáne ınvestısıalar basqarmasynan.
Sonymen qatar, kóterme jetkizýshilerdiń kómegimen qalaǵa qosymsha 2,8 myń tonna qant ákelindi. Sondaı-aq, «Azyq-túlik korporasıasy» UK» AQ qalaǵa 136 tonna (2 vagon) qant bólip, «ToıMart» jelisinde satylýda.
«Qazirgi tańda baǵanyń negizsiz ósýine jol bermeý úshin saýda jelileri, bazarlar men saýda oryndaryna monıtorıń kúsheıtildi. Úı janyndaǵy dúkenderge qantty tikeleı jetkizýdi uıymdastyrý úshin senim telefony iske qosyldy. Osylaısha, naryqtaǵy jaǵdaıdy turaqtandyrý, halyqty qantpen qamtamasyz etý jáne shekti ruqsat etilgen baǵany ustap turý úshin barlyq qajetti sharalar qabyldandy. Qant baǵasy qatań qadaǵalanady», - dedi ákimdiktegiler.
Buǵan deıin almatylyqtardy qanttyń ár saýda ornynda ártúrli baǵasy tańqaldyrǵany týraly jazǵan bolatynbyz. Eske salaıyq, QR Saýda jáne ıntegrasıa mınıstrligi elde qant tapshylyǵy joq ekenin habarlaǵan bolatyn.