Búginde Almatynyń halyq sany 2 024, 861 adamnan asady.
Megapolıste 100-den astam ult ókili turady, dep habarlaıdy Almaty-akshamy.kz.
Almaty halqynyń etnıkalyq quramynda 9 ult ókiliniń sany ózgelerinen kóbirek. Olar: qazaqtar - 1 280 360 adam (63,2 %), orystar - 458 901 (27,7 %), uıǵyrlar - 108 524 (5,4 %), kárister - 35 626 (1,8 %), tatarlar - 25 463 (1,3 %), ázirbaıjandar - 15 063 (0,7 %), ózbekter - 13 403 (0,63%), dúngender - 12 621 (0,56 %), túrikter - 10 325 (0,51 %).
Almatydaǵy Qazaqstan halqy Assambleıasynyń jumys organy Ultaralyq qatynastardy damytý jónindegi bólim – Almaty qalasynyń Qoǵamdyq damý basqarmasy QHA hatshylyǵy bolyp sanalady.
Assambleıa jumysyn Almaty q. Qoǵamdyq damý basqarmasynyń «Qoǵamdyq kelisim» KMM qamtamasyz etedi.
Munda 10 respýblıkalyq jáne 38 qalalyq etnomádenı uıym bar.
4 memlekettik ulttyq teatr jumys isteıdi. Olar:
- Qojamjarov atyndaǵy Respýblıkalyq memlekettik uıǵyr mýzykalyq komedıa teatry,
- Memlekettik respýblıkalyq mýzykalyq komedıalyq teatry,
- Memlekettik respýblıkalyq akademıalyq nemis drama teatry,
- Lermontov atyndaǵy memlekettik orys akademıalyq teatry.
Assambleıada tıisti etnostardyń mádenı murasyn saqtaý men damytýdy qamtamasyz etý maqsatynda qurylǵan 27 óner ujymy bar.
7 etnıkalyq BAQ redaksıasy bar - «Deutsche Allgemeine Zeitung» nemis respýlıkalyq gazeti, «Ahyska» respýblıkalyq túrik gazeti, «Kore ılbo» koreı respýblıkalyq gazeti, «Ýıǵýr Avazı» uıǵyr respýblıkalyq gazeti, «Azıa segodná» uıǵyr jýrnaly, «Jııana kýrd» kúrd gazeti jáne t.b.
Almaty qalasy QHA qurylymynda Qoǵamdyq kelisim keńesi, Analar keńesi, Jýrlanıster klýby, Ǵylymı-sarapshy top, QHA depozıtarııi, Almaty qalasyndaǵy «Assambleıa jastary» RQU ókildigi bar.