Almatyda kólikti zańdastyrýǵa berilgen 10 327 myń ótinishtiń 1649-y rásimnen ótip, maquldanǵan, dep habarlaıdy Almaty-akshamy.kz.
Bul týraly Almaty qalasy polısıa departamentiniń Ákimshilik polısıa basqarmasy basshysynyń orynbasary Bolatbaek Baıatanov habalady.
Eske salaıyq, 2022 jyldyń 1 qyrkúıegine deıin elge ákelingen jáne tirkelmegen avtokólikterdi birjolǵy zańdastyrý Memleket basshysynyń tapsyrmasyna baılanysty júzege asyrylady. Elimizdegi barlyq mamandandyrylǵan HQKO-da 23 qańtarda zańdastyrý bastaldy.
«Zańdastyrý erejeleri ótinish berýdiń eki ádisin qarastyrady: Arnaıy halyqqa qyzmet kórsetý ortalyǵy arqyly jáne «Elektrondyq úkimet» portaly arqyly. Zańdastyrýdyń negizgi sharttary: kólik quraldaryna 200 000 teńge mólsherinde olardy bastapqy memlekettik tirkeý stavkasy qoldanylady», - dedi B.Baıatanov.
Bul jaǵdaıda kólik quraly kelesi talaptarǵa saı bolýy kerek:
1. 2022 jylǵy 1 qyrkúıekke deıin Qazaqstan Respýblıkasynyń aýmaǵyna ákelingen;
2. İzdeýde joq;
3. Burynǵy tirkelgen jeri boıynsha memlekettik tirkeýden shyǵarylǵan;
4. Kedendik resimdeýden ótken.
Avtokólikti qysqa merzimde zańdastyrýǵa bolady. Ótinishti qarap, sheshim qabyldaý merzimi nebári 2 kún, polkovnık Baıatanovtyń aıtýynsha, Almatydaǵy arnaıy HQKO-da kezek joq.