Almatyda 60-qa jýyq moped tirkeldi, dep habarlaıdy aqshamnews.kz.
Qazaqstanda mopedterdi tirkeý naýqany resmı túrde bastaldy. Ótken aptada Almatyda alǵashqy eki dóńgelekti kólik tirkelip, onyń ıesine tehnıkalyq tólqujat pen memlekettik nómir tabystaldy. Almaty qalasy rolısıa departamentiniń ákimshilik polısıa basqarmasy prosesıng ortalyǵynyń basshysy Aıdyn Merkimbaev bul bastamanyń mańyzdylyǵyn atap ótti.
Ótken jyly "Jol qozǵalysy týraly" zańǵa engizilgen ózgerister mopedterdi paıdalaný tártibin retteýge baǵyttalǵan. Endi moped júrgizýshileri jol qozǵalysynyń tolyqqandy qatysýshylary retinde qarastyrylady jáne zań talaptaryna baǵynady. Osyǵan baılanysty Almaty polısıasy tirkeý algorıtmi men qajetti qujattar tizimi kórsetilgen jadynamalardy keńinen taratýda. Bul aqparattyq materıaldar moped júrgizýshileri jıi jınalatyn oryndarda, buqaralyq aqparat quraldary men áleýmettik jeliler arqyly taratylyp jatyr. Árbir júrgizýshi mopedterdi mindetti túrde tirkeý jáne A1 sanatyndaǵy júrgizýshi kýáligin alý qajettiligin bilýi tıis, – dedi ol.
Almatyda búginge deıin 60-tan astam moped resmı túrde tirkeldi. Sondaı-aq polıseıler eksterrıtorıaldylyq qaǵıdatynyń qoldanylatynyn eske saldy, ıaǵnı kólikti kez kelgen óńirde tirkeýge bolady.