2024 jyly Almaty qalasynyń veterınarlyq qyzmeti 6 400 ıt pen 120 mysyqty aýlap, olardyń 2 847-sin sterılızasıalap, ekpe jasaǵan. Bul sharalarǵa 429 mıllıon teńge jumsaldy. Al 2025 jyly jergilikti búdjetten 580 mıllıon teńge bóliný josparlanyp otyr. Bul týraly Aqshamnews.kz saıty habarlaıdy.
Qańǵybas janýarlardy aýlaý janýarlardan adamǵa juǵatyn aýrýlardyń aldyn alý jáne azamattardyń, ásirese balalardyń qaýipsizdigin qamtamasyz etý maqsatynda júrgiziledi. Almatyda Týrksıb aýdanyndaǵy Spasskaıa, 150/1 mekenjaıynda qańǵybas janýarlarǵa arnalǵan jalǵyz ýaqytsha ustaý pýnkti bar.
Zańǵa sáıkes, ıtter bes kún boıy ıesi tabylǵansha osy ortalyqta ustalady. Eger ıesi anyqtalmasa, OSVV (otlov-sterılızasıa-vaksınasıa-vypýsk) baǵdarlamasy aıasynda sterılızasıalanyp, burynǵy mekenine qaıta jiberiledi. Sonymen qatar, turǵyndar arnaıy adopsıa baǵdarlamasy arqyly bul janýarlardy asyrap ala alady.