Qardyń qalyńdyǵy 15-20 sm
31 jeltoqsan saǵat 21:00-den 1 qańtar saǵat 06:00-ge deıin Almaty qalasynda qalyń qar jaýdy, dep habarlaıdy Almaty-akshamy.kz
Kóktaıǵaqtyń aldyn alý maqsatynda 174 qumshashqyshtyń kúshimen joldarǵa kóktaıǵaqqa qarsy materıaldar sebilip jatyr. Saǵat 06:00-degi jaǵdaı boıynsha 2099 tonna materıal paıdalanyldy.
Qar qalyńdyǵy 15-20 sm qurady.
Trotýarlardy, qoǵamdyq kólik aıaldamalaryn, jerústi jáne jerasty ótkelderin tazalaý jumystary júrgizilýde. Túngi ýaqytta atalǵan jumystarǵa 462 arnaıy tehnıka men 312 jumysshy jumyldyryldy.
Tańnan beri qar tazalaý jumystaryn 512 arnaıy tehnıka men 1280 jumysshy jalǵastyrýda.
Aýdandyq ákimdikter men merdiger uıymdarda jumystardy júrgizý boıynsha táýlik boıy kezekshilik uıymdastyryldy.
«Qazgıdromet» RMK boljamyna sáıkes, 1 qańtar kúni kúndiz qalada aýa temperatýrasy -2..-4°S quraıtyn bolady.