Jarys baǵdarlamasyna prezıdenttik kópsaıys jattyǵýlary, atap aıtqanda jasósipirimder úshin beltemirde tartylý, qyzdar úshin shalqalap jatyp deneni kóterý, sondaı-aq úsh shaqyrymdyq shańǵy jarysy jáne pnevmatıkalyq myltyqtan oq atý kiredi.
İs-sharany uıymdastyrýǵa Qorǵanys mınıstrliginiń Ortalyq sport klýby, Qarýly kúshterdiń Ulttyq áskerı-patrıottyq ortalyǵy jáne "Jas sarbaz" respýblıkalyq balalar-jasóspirimder áskerı-patrıottyq qozǵalysy muryndyq boldy. Jarysqa qozǵalystyń jalpy sany 45 tárbıelenýshisi elimizdiń túkpir-túkpirinen kúshtik jattyǵýlardan, nysanany dál kózdeýden jáne jyldamdyqtan baǵyn synaýǵa keldi.
Erejege sáıkes, spartakıada 14-17 jasqa deıingi jasóspirimder arasynda ótedi, dep habarlaıdy Almaty-akshamy.kz QR Qorǵanys mınıstrligine silteme jasap.
Jarystyń saltanatty ashylýynda jas sarbazdyqtarǵa arnap Qorǵanys mınıstrligi Sport komıtetiniń tóraǵasy – Ortalyq sport klýbynyń bastyǵy polkovnık Arman Ábeýov, Qarýly kúshter Ulttyq áskerı-patrıottyq ortalyǵynyń bastyǵy Arman Ásenov, "Jas sarbaz" respýblıkalyq balalar-jasóspirimder áskerı-patrıottyq qozǵalysynyń tóraǵasy maıor Meıirbek Meńdiǵalıev sóz sóıledi.
«Mundaı jarystar jetkinshekterge shynyǵyp, tózimdilik pen kóshbasshylyq qasıetterdi damytýǵa yqpal etedi. Budan ózge saıys birlikti kórsetý jáne ujymdyq rýhty qalyptastyrý úshin tamasha múmkindik», – dep atap ótti polkovnık A. Ábeýov.
Jas sarbazdyqtardyń qysqy spartakıadasy úshinshi jyl qatarynan ótkizilip jatyr. Bul joly oǵan 15 komanda qatysýda. Komandalyq esepte jeńimpazdar sportshylardyń jınaǵan upaı sanyna qaraı anyqtalady.