Bıyl 31 tamyzdan bastap №38, 38a jáne №37 marshrýttaryna jańartylǵan 18 metrlik 60 avtobýsty jelige shyǵarý josparlanýda.
Buǵan deıin jyljymaly birlikterdiń jetispeýshiligine baılanysty bul baǵyttardaǵy qozǵalys aralyǵy 40 mınýtqa deıin jetken. Avtobýstardyń jańartylýymen qarbalas ýaqytta júris jıiligi 6-7 mınýtqa deıin azaıady dep kútilýde, dep habarlaıdy Almaty-akshamy.kz.
Aıta ketý kerek, bosatylǵan avtobýstar №201 marshrýttyń jyljymaly quramyn aýystyratyn bolady.
Osylaısha, №201 marshrýtta 24 birlik 18 metrlik avtobýs qyzmet kórsetedi. Osyǵan deıin bul marshrýtta qozǵalys aralyǵy 15 mınýtqa deıingi ýaqytty quraıtyn, jyljymaly birlikterdi kúsheıtýmen qozǵalys aralyǵy 7 mınýtqa deıin azaıady dep kútilýde.
Esterińizge sala keteıik, Almatyda bıyl komýnaldyq avtopark 600 gaz avtobýsy men 100 troleıbýs satyp alyp jatyr.
100 avtobýs qalaǵa keldi jáne qujattarynyń resimdelýine qaraı jelige shyǵarylyp jatyr. Buǵan deıin №24 jáne №125 marshrýttardyń jyljymaly birlikteri jańartylǵan bolatyn.
Qalǵan avtobýstardy jyl sońyna deıin qalaǵa jetkizý josparlanyp otyr.