Almatyda alǵash ret mektep jasyndaǵy balalardy turǵylyqty jerinen oqý ornyna jáne keri qaraı tegin tasymaldaý úshin mektep avtobýstaryn usyný boıynsha aýqymdy joba engizilýde, dep habarlaıdy almaty-akshamy.kz
Joba bastaýysh synyp oqýshylaryna jáne mektepten alys turatyn oqýshylarǵa arnalǵan. Osy maqsatta komýnaldyq avtopark Almaty qalasynyń bilim basqarmasymen birlesip 100 mektep avtobýsyn satyp aldy. Bul avtobýstar halyqaralyq qaýipsizdik standarttaryna jáne tehnıkalyq talaptarǵa sáıkes jáne kólikterde mynalar qarastyrlǵan: apat kezinde shyǵý, qaýipsizdik beldikteri, múmkindigi shekteýli balalarǵa arnalǵan pandýs, órt qaýipsizdigi júıesi jáne t.b. Balalardy tasymaldaý ilespe pedagogtyń qatysýymen jáne balalardy tasymaldaýdyń ázirlengen erejelerine sáıkes júzege asyrylatyn bolady.
Bostandyq aýdandyq bilim bóliminiń basshysy Aıgúl Qasymbektiń aıtýynsha, mektep avtobýstary boıynsha jańa jobanyń bastamashysy - Almaty qalasynyń ákimi. «Birqatar memlekettik mektepter ústimizdegi jyldyń 1 qyrkúıeginen bastap iske qosylatyn mektep avtobýstarymen qamtylatyn bolady. 20 jergilikti avtobýstar tar joldy taýlarǵa qatynaıtyn bolady. Mektepter qazirdiń ózinde baǵyttardy, balalardy otyrǵyzý ýaqytyn, aıaldamalar sanyn ázirledi. 1 balaǵa bir oryn bólinedi, turaqty oryn bolmaıdy. Balalardyń qaýipsizdigine mektep qyzmetkerleri jaýap beredi, olar balalardy úıden mektepke, mektepten úıge ertip barady», – dedi ol.
Eske salsaq, qala ákimi Erbolat Dosaevtyń tapsyrmasy boıynsha 2022 jyly «Mektep avtobýsy» jobasy alǵash ret №205 mektepte pılottyq rejımde iske asty.
Jobany iske asyrý mynadaı maqsattardy qamtamasyz etýge arnalǵan:
- oqýshylardyń qaýipsizdik deńgeıin arttyrý (taksıdi óz betinshe paıdalanýdan, avtobýsta óz betimen júrýden bas tartý);
- balalardy oqý ornyna deıin jetkizý qajettiligi bóliginde ata-analardy «túsirý»;
- qarbalas ýaqytta jol qozǵalysy shıelenisiniń tómendeýi.
Sonymen qatar, qalalyq avtoparkterdiń jyljymaly birlikterin jańartý maqsatynda Almatyǵa qalalyq marshrýttar úshin gazben júretin 100 avtobýs jetkizildi. Bular – on jáne on segiz metrlik avtobýstar.
Almatyelektrotans JSHS paıdalaný bóliminiń bastyǵy Isahan Imanbekovtyń aıtýynsha, on metrlik avtobýstar «taza» qalany damytý tujyrymdamasy aıasynda dızeldi avtobýstardy almastyrady. «Olar №24, №125 jáne №131 marshrýttarda qoldanylady. On segiz metrlik «garmoshkalar» №38, №38a jáne №37 magıstraldyq marshrýttardyń avtobýstaryn aýystyrady», – dedi ol.
Atalǵan avtobýstar jelisine shyǵý holdıńtiń tehnıkalyq mamandary «Ońaı» jabdyǵyn montajdaý jáne qalalyq kólik bazasyna engizý boıynsha júrgiziletin bolady.
Aıta keterligi, 2023 jyldyń sońyna deıin gazben júretin 500 jańa avtobýs jetkiziledi dep kútilýde.
